Запиши песна за судбата твоја
Запиши песна коja ќе биде и моја.
Да не останат во
заборав твоите скриени мечти
Твоите лажни
ветувања ко извори пусти,
Пресушени и полни
со лажни зборови клети.
Зборови кои како
силни бранови се воздигнуваат
и талкаат низ срцето кое немирно стрепи.
Запиши песна најубава
на светот
да не остане зборот недоречен и скриен,
Закоравен во душа
треперлива, несигурна во себе.
Неспани ноќи
минуваш крај каминот свиен,
Ни совеста не те
одминува ниту остава мирен.
Од копнежи,
пориви и ветувања празни
Да остане барем
песната запишана од душа
Песна да исполни
празнина стара , да залечи рани.
Да остане песна
за спомени драги
Да ги избрише сите нејасни траги.
И кога ново утро
ќе осамне низ дождовни капки
Ќе осетиш дека
некој стои крај тебе
Ги гали и милува твоите црни коси
Ги следи во чекор
твоите стапки.
пробај да разбереш каква порака ти носи.
И тогаш повторно
ќе се вратиш на старото место
Покриено со
златно – жолти лисја
Есента чуда
прави, знаеш!
И дури тогаш ќе
почнеш да пишуваш песна
песна проникната
од душа,
Во тишината на
есенското утро
душата ќе ти
зборува погласно од тишината.
И дури тогаш ќе
запишеш песна за една љубов
песна за љубов
која не ја свати,
туку ја напушти
како исплашена срна
А таа љубов
никогаш повеќе нема да се врати.
Автор: Гордана Димовска
Comments
Post a Comment