Од 1955 година, оваа спектакуларна парада ги воодушевува Мелбурнчани со своите фантастични плови, џиновски кукли, танцувачки групи облечени во прекрасни носии.
Во 1856 година Синдикатот на работниците излезе со кампања ‘Осум часа работно време‘ во чиј склоп се одржа и масовен марш во Мелбурн. Благодарение на овој марш, работниците се здобија со повеќе права и се изборија за 8 часовен работен ден. Оттогаш па до денес секој втор понеделник во март, се празнува Денот на трудот во австралиската држава Викторија. На овој ден посебно се потсетуваме на борбата на Синдикатот за здобивање со економски и социјални достигања на работниците. Официјална декларација за означување на овој ден како национален празник е потпишана во 1879 година. Во знак на овој протестен марш и ден денес се одржува спектакуларниот фестивал Мумба. Фестивалот секоја година е посетен од стотици илјади жители на Мелбурн и околината а посебно место зазема парадата која вклучува голем број на етнички групи во Мелбурн. Оваа година Мумба парадата се одржа под мотото Магијата на Мумба парадата. Мелбурнчани гордо ја презентираат енергијата и духот која пулсира во овој мултиетнички град.
Мумба монарси, Роб Милс и Ронда Бурчмор од 2023 година