Subscribe:

Labels

Monday, October 1, 2018

МАКЕДОНСКИОТ ТЕАТАР МЕЛБУРН СО НОВА ДРАМА

Македонскиот театар од Мелбурн, минатата Сабота на 29 септември во Neret Reception, премиерно ја прикажа комедијата “Шест дена работи, седмиот одморај“од Весна Куслеска. Беше одлично прифатена од публиката за што придонесоа актерите со одлично изведените улоги. Жените (сите љубовници на кројачот Перо) ги носат имињата на деновите од неделата, и доаѓаат во погрешен ден при што настанува и забуна. Секоја со своја животна приказна и ранг во општеството или како што си се замислила дека е.  Се заврзуваат во силни разговори, напади една на друга, споредувања, но и припреми за закоп на “мртвото тело“на Перо. Притоа сите тие си раскажуваат како го сретнале и колку добро го познавале Перо и постојано се препираат како да го облечат.

Sunday, September 30, 2018

ЗА ЖИВОТОТ

Во својот живот човекот сретнува многу луѓе.
Но само правите пријатели оставаат трага во неговото срце.
 
Лутината е тенко поврзана со опасноста.
Ако некој еднаш те изневери, вината е негова;
Ако некој те изневери повеќе пати, вината е твоја.

Бистрите луѓе дискутираат за идеите;
Просечните луѓе дискутираат за она што секојдневно се случува;
Необразованите луѓе дискутираат за други луѓе.

Кој изгубил пари, изгубил многу;
Кој изгубил пријател, изгубил многу повеќе;
А оној кој изгубил вера и надеж, изгубил сè.

Wednesday, September 26, 2018

ВЕЗ


Силно светат, паѓаат
Тивко, нежно
Да не ја вознемират
И прекинат таа нишка,
Ја осветлуваат твојата вредна рака
Конци црвени, црни
И ред други бои
Ти не знаеш за мака
Продолжуваш да везеш
Твоето срце полно со љубов
Кој би можел тебе да не те сака?

ЗА МАКЕДОНСКИОТ ФЕСТИВАЛ НА ХРАНАТА ВО МЕЛБУРН

Мелбурн е познат по виното, храната, големиот број на кафе ресторани, град како најдобро место за живеење во светот а исто така се нарекува и град на фестивалите. Во овој петмилионски град се одржуваат голем број на фестивали од различен карактер а најчесто фестивали на храната каде многубројните етнички групи си ги презентираат своите традиционални јадења.
Македонскиот фестивал на храната кој започна пред седум години зазема посебно место во календарот на фестивали. Волонтерите, членови на македонски друштва во склоп на организацијата MACO чиј основач, претседател и организатор на фестивалот е Лидија Нешковска, со голем ентузијазам и љубов кон македонската традиција придонесуваат се повеќе од година во година да прерасне во десетте најпосетувани фестивали во Викторија. Често се заприметува традиционалнта народна носија и фотографии од фестивалот објавени и во австралиските медиуми кои ги следат ваквите настани каде се слави храната, се почитува традицијата на еден народ.
Датум: 28 Октомври, 2018
Почеток: 10.00 часот наутро
Место: Footscray Park
Ве очекуваме!

Friday, August 24, 2018

ГАЈДА

Автор: Нове Богојески
Гајдо стара
од јарешка кожа,
заборавена од сите
на таванот сама
на клин висиш.
Мевот ти е дупнат,
гајдарката без писка,
а дувалото суво.
Завиена со
пајакова мреша,
а под неа
децениска прашина.

Tuesday, July 10, 2018

СЕ ПРОДАВА МЕСТО ПОД СЕЛО ДИХОВО


Се продава место од 5000 m2, под село Дихово.

За повеќе информации јавете се кај:
Весна на моб: +61401176861
Гордана на моб: + 38976377430


СЕ ПРОДАВА МЕСТО


Се продава место од 4670 m2 квадратни на патот за Ниже поле, наспроти ресторанот "Оскар" под Пелистер, Битола. Цената е 35-40 евра на метар квадратен.

За повеќе информации јавете се кај:
Весна на моб: +61401176861
Гордана на моб: + 38976377430