ВО ЧЕСТ НА ТОШЕ ПРОЕСКИ

На 24-ти јануар  Домот на културата „Наум Наумовски Борче“ Крушево и Љубители на литература, култура и наука-Свети Висарион,  Демир Хисар, организираа научно –поетска средба во чест на големиот македонски музичар и пејач, Тоше Проески. Во неговото родно Крушево каде денес е и неговото вечно почивалиште беа поканети да присуствуваат сите вљубеници во неговото епохално музичко творештво. Тоше Проески со својата песна и љубов го освои светот а ова што го направија организаторите е доказ за нивната неуморна работа и бескрајна почит кон она што со голема љубов го работеше прерано загинатата музичка ѕвезда, Тоше Проески.

ОГНОВИ

Огнови разгорени, силни

Расфрлаат искри со возбуда, радост, убави желби и надеж за подобро утре.

И денес спомни си за големата добрина и ука

На големиот Отец на црквата Христова,

Да не заталкаш во погрешни правци

Да не се изгубиш во немирни реки

Да не ти остане душата ко пустина празна

И жедна за духовна храна.

Неговата рака ги хранеше сиромашните и гладни

Ги поеше жедните за вода но и за ука,

Се исправи силно против разодорот и ересот

За да царува љубов и правдина во светот.