РОЖБА

На традиционалниот конкурс за Прличева награда за 2015 година,во категоријата Најдобра поетска творба на годината за возрасни мојата поема РОЖБА ја доби првата награда.

Чекав пред

вратите на сништата
И шепотот на
пролетната песна
Да те имам тебе
Да се имам себе
Како блажена
жед.
Како трепет
на цвет.
Сновалките на
сништата
те ткаеја тебе
со ѕвездените ветрови
во моите
очи.

ЉУБОВТА СЕ СЛАВИ

Вечерва и ѕвездите ѕвездат

и вљубените сонуваат

во срцата пламен се пали

Св.Валентај се слави.

Вечерва светлина блеска

овде-онде се слуша

љубовна песна.

 Влубени парови одат

прегрнати ил' за рака се водат

со цвеќе и насмев и сјај во очи

за Св.Валентај,денот на вљубените

љубов од срце во срце се точи.

СПОМЕН КУЌА СТАРА

Автор: Љубица Поповска

Остана куќата сама

ни порта веќе нема,

нема да шкрипни резе

та,секој може да влезе.

И корените останаа таму,

без фиданки и гранки

и дојдовме овде ние

и разгранавме нови гранки.

Оставивме спомени драги

оставивме детски сни

и тргнавме по светот со нови сили

роден крај во душа ни си.

За родниот крај само

песната нè  храни,

каде и да сме сите

под негова покривка сме збрани.

Poem Memory house (Spomen kuka stara) -
Author:  Ljubica Popovska

Macedonian Timeline

ВО ТВ МОРИС-ОХРИД прво претставување пред јавноста на романот „Eдинствена моја љубена ќе те пронајдам и на крајот од светот од Ванѓелко Лозаноски и романот „ Не се родив под среќна ѕвезда-верував“ од писателката-поетеса Соња Змејкоска

.„...Кога би прочитале случајно отворена страница, самите настани ќе ве повлечат да го читате од почеток до крај, во еден здив, со многу голема возбуда. Содржината на романот поседува сопствена магичност, што ќе посакате повторно и повторно да се навраќате на бројните сцени кои длабоко допираат до срцето на вистинскиот читател. Едноставно го доживувате толку топло и пријатно, а во себе ги чувствувате жедта и копнежите по љубовта, по вашата љубов, но и вербата и голема поука како да се борите и изборите со тешките-непредвидливи ситуации кои ги носи животот .

Покрај надежи и копнежи, романот носи и ведрина и светлина, која ги разубавува деновите токму тогаш кога Вам ви изгледаат безнадежни’, потенцира Соња Змејкоска.

Објавени наградите од традиционалниот конкурс за Прличева награда за 2015 година

Минатиот понеделник, Жири комисијата во состав на Силвана Трајковска (претседател), Мери Петковска и Бојана Ристевска-Јанкуловска ја донесе својата одлука за прогласување на најдобрите дела од традиционалниот награден конкурс за Прличева награда за 2015 година во организација на Македонското литературно друштво „Григор Прличев“. За сите категории на конкурсот

пристигнаа 54 дела од кои се избраа следните дела како најдобри на кои ќе им се доделат награди:

Најдобра поетска творба на годината за возрасни:

1- ва награда: Рожба, шифра „Рожба“, од Љубица Поповска од Мелбурн

2- ра награда: Куќа моја стара, шифра „Оџак“ од Наум Трајчевски од Квинбијан

3- та награда: Во Ма, шифра „Ма-ја“