РАНЕТА ПТИЦА

Белата птица падна ранета на земја

Изгуби сјај, надеж и сила

Ко да нема веќе крила, 

не може да ја ужива слободата мила.

Не може да пее песна во гората блиска

песна за пролетни цветови со опоен мирис

песни за јунаци, борци,

песна за зелените лисја што шумолат и зборат

крај изворот горски.

Ангелот - чувар слезе до неа

 тивко и нежно  утеха и дава:

 “Верувај во мене птицо бела

Верувај и чудо ќе се случи, 

ти повторно ќе се вивнеш

ти повторно ќе леташ на небото сино!“

А птицата тажна рече:

“Но јас сум ранета и без крила

 не можам да летам

не сакам некој повторно да ме рани.“

Исправи се силно и рашири ги твоите крила

Ако паднеш јас ќе те кренам

Секогаш има некој да те чува

Можеби некој ќе те рани

Можеби повторно ќе паднеш ,

Но верувај во себе

Ти имаш сила повторно да станеш

Да запееш песни во гората блиска

за пролетни цветови со опоен мирис

песни за јунаци, борци,

песни за зелените лисја што шумолат и зборат

крај изворот горски.

Гордана Димовска (Gordana Dimovska )

ЗБОР - ДВА ЗА ХРИСТИЈАНСТВОТО (I дел)

Автор: Олга Новачева

Во основното индиско верување постои еден познат израз–маја. Маја означува илузија,привид или нереалност. Преведено на македонски народен израз тоа ќе се нарече ,,перде пред очите,,. Едноставно ти се става перде пред очите и ти светот го гледаш нереално,невистинито. Тогаш сите случувања на овој свет ти се чинат магловити,нечисти,неоткриени. Гледаш,а не гледаш правилно. Гледаш,а во тоа гледање нема вистинско видување,нема природен одек. Тоа е искривено гледање или илузија. Ти се чини и си сигурен дека е така,а всушност ништо не така и ништо не можеш да разбереш правилно.