Skip to main content

ЗА МАКЕДОНИЈА СО ЉУБОВ

Во низата свечености по повод 8-ми септември, Денот на независноста на Македонија, се вклучија и училиштата од Викториското училиште за јазици. Како што е познато, македонскиот јазик е вклучен во програмата на државното училиште во раните седумдесетти години и во многу го подобрува културниот имиџ на бројната македонска дијаспора. Во еден од поголемите училишни центри во Keilor Downs college, и оваа година наставничкиот колегиум припреми специјална приредба под мотото За Македонија со љубов. Целта беше да преку изведбите на македонски јазик, се испрати порака во светот дека и најмладите во Австралија го чуваат и негуваат македонскиот јазик . Во овогодишната програма се опфатија теми од македонското минато, легенди, народното творештво и родољубивата поезија. На крајот учениците ги изненадија присутните и со сопствена кореографија на орото Водарки . На приредбата гостуваше и пратеникот на Македонската дијаспора од Австралија, Г-днот Мики Додевски кој ги им се обрати на присутните родители, ученици и наставници. Додевски ги охрабри напорите за зачувување на македонскиот јазик во Австралија. Се надеваме дека македонската заедница во иднина ќе посвети поголемо внимание на задржување на јазикот во државните австралиски училишта. Оваа година неколку наставници работаат со по десетина деца во клас што е предупредувачки сигнал за драстично намалување на бројот на ученици. Се надеваме дека в година нема да го имаме истиот проблем и нема да се изгуби програмата која опстојува со години. Со овие зборови ученичката Ана Цаковска го започна уводниот дел од програмата: Оваа приредба ја организиравме во чест на големиот државен празник на Р. Македонија, 8-ми септември,- Денот на независноста. Овој празник ја означува независноста, сувереноста и самостојноста на Македонија и македонскиот народ. Точно на овој ден, пред 21 (дваесет и една) година , Македонија зачекори по патот на независноста, надвор од југословенската федерација. Македонскиот народ со голема радост го прославуваше овој ден во сите градови на Македонија. Овој празник има посебно значење за сите Македонци. На овој ден Македонија започна да го гради патот кон нови успеси и остварување на историската цел. Ние, учениците од ова училиште имаме можност да го изучуваме македонскиот јазик и на тој начин дознаваме повеќе за Македонија. Исто така се зголемува и нашиот интерес и љубов кон земјата на нашите родители, баби и дедовци. Затоа денес, решивме да настапиме под мотото “ Со љубов за Македонија.“ Преку рецитирањето на поеми , драмски изведби и фолклор, ќе го искажеме нашето познавање на јазикот, нашата креативност. Со оваа приредба на наш начин, ние ќе го означиме овој празник и ќе изразиме почит кон сите борци кои ги дадоја животите за Македонија. Заради нив, ние денес се гордееме со нашето потекло, со убавиот македонски јазик, историја, култура и традиција. Гордана Димовска
Labels:

Comments

Post a Comment

Popular posts from this blog

МАКЕДОНСКИОТ ГЕНИЈ СО ГЛОБАЛЕН ПЕЧАТ ВО ФИЛМОТ

Филмот не е само приказна која ја гледаме тоа е огледало во кое човештвото се гледа и преиспитува.Филмот е молк што зборува светлина што боли а вистина што не се заборава. Еден добар филм не ти нуди одговор туку ти поставува прашање што не престанува да те следи.И за крај филмот е уметност да ја кажеш најтешката вистина и да ја претвориш во убавина - Симе Младеновски. MT – долго време сте во медиумскиот свет и постигнувате големи успеси, ве нарекуваат гениј, но како беше почетокот, како дојде до тоа да навлезете во филмската уметност? Симе - Македонскиот гениј со глобален печат во филмот.Се се ќ авам на деновите кога со трепет ги чекав неделните филмови на телевизија, a потоа и сам почнав да експериментирам со камера и монтажа. Се почна како хоби но потоа сфатив дека тоа ќе биде мојот животен пат  и идна моја професија.И така беше тоа е како некоја зависност која се повеќе те тера да креираш голем наплив на идеи имаш секогаш низ глава и секогаш си велиш оваа е најдобра, но не баш...
Post a Comment
Read more

КОЈ Е СЛАВЕ НИКОЛОВСКИ – КАТИН?

Пишува: ДУШАН РИСТЕВСКИ-МАКЕДОН Славе Николовски – Катин, ѝ е познат на македонската и на меѓу¬народната културна и научна јавност со многубројните публицистички и научни трудови посветени, главно, на животот на Македонците во светот, но и на низа други аспекти поврзани со дијаспората, како и со литературата, културата, религијата, науката… Тој е роден на 19 август 1941 година во Преспа. Осумгодишно училиште завршил во Љубојно, а средно техничко училиште, Геодетски отсек и Филолошки факултет, група Англиски јазик и книжевност во Скопје. Две години студираше и на Вишата геодетска школа во Белград ако студент, замина во Канада, каде што остана четири години. Во Торонто се школуваше во Интернационалниот институт за англиски јазик и литература „Раерсон”. Извесен период работеше како геодет и пројави активност во македонската колонија во Торонто. Еден мандат во 1978 година беше генерален секретар на Црковната управа при Македонската православна црква „Св. Климент Охридски” во Торонто. П...
Post a Comment
Read more

МАНАСТИРСКАТА ЦРКВА „СВ. АТАНАС“ И НЕЈЗИНОТО ЗНАЧЕЊЕ ЗА ЉУБОЈНО

ДЕЛ ОД ВИСТИНАТА ЗА ДОЛНА ПРЕСПА Покрај земјениот пат кој води од селото Љубојно кон црквата „Св. Петар и Павле“, на една височинка, се наоѓа црквата посветена на „Св. Атанасиј Велики“. Објектот претставува мала еднокорабна градба со тристрана апсида на исток и влез на западнат страна. Во поново време црквата е малтерисана. Сите преправки, според натписот врежан во малтерот над влезот од надворешната страна се направени во 1968 год.  Внатрешноста на црквата со олтарната преграда е поделена на наос и олтарен простор. Иконостасот со трите престолни икони се издига скоро до таванот. Иконите според натписите кои се наоѓаат на нив потекнуваат од 1929 година. Најважната содржина, со која го задржува вниманието црквата „Свети Атанас“, се остатоците на ѕидното сликарство врз источниот ѕид од олтарниот простор. Според стилските карактеристики како и според сочуваниот натпис ова сликарство потекнува од првите децении на 17 век.
1 comment
Read more