СТАРЕЦОТ И СРЕЌАТА

Еден ден децата видоа еден старец како оди по улицата со голема корпа на рамената. Корпата беше преполна со ѕвезди.

Од време на време старецот земаше по еден грст од корпата и замавнуваше како да сее. Тогаш мноштво на светликави ѕвездички затреперувааа околу него како мали жарчиња на ветер.

- Што правиш? - го запрашаа радознало децата.

- Сејам среќа! - одговори старецот и мирно продолжи да си ја работи работата додека низ прстите му се сјаеја прекрасните ѕвездички кои ги гледаа веселите деца низ топли треперливи бои како оние на виножитото.

Опиени од оваа убавина децата веднаш потрчаа да ја фатат среќата, но залудно. И тие најбрзите и најснаодливите останаа со празни раце.

- Залудно е тоа што сакате да го направите, се потсмевна таинствено старецот. Така никогаш нема да ја фатите.

- Зошто? - запрашаа зачудените деца.

Насмевнуваjќи се, старецот тивко им рече:

- Дури откако ќе научите да сеете радост и убавина околу себе, ќе можете да ја фатите, почувствувате и добиете среќата.

Оној кој граби за себе, нема никогаш да ја фати среќата.

Цитати за среќата

Забораваме дека среќата не доаѓа како последица од добивање на нешто што го немаме, туку

како последица на препознавање и ценење на она што го имаме или што мислиме дека е вредно за нас.

Првото извинување е најхрабро. Првото простување е најсилно. Првиот што ќе заборави е најсреќен.

Среќата е онаму каде што човекот ја гледа.

Мacedonian timeline

Comments

МАКЕДОНСКИОТ ГЕНИЈ СО ГЛОБАЛЕН ПЕЧАТ ВО ФИЛМОТ

Филмот не е само приказна која ја гледаме тоа е огледало во кое човештвото се гледа и преиспитува.Филмот е молк што зборува светлина што боли а вистина што не се заборава. Еден добар филм не ти нуди одговор туку ти поставува прашање што не престанува да те следи.И за крај филмот е уметност да ја кажеш најтешката вистина и да ја претвориш во убавина - Симе Младеновски. MT – долго време сте во медиумскиот свет и постигнувате големи успеси, ве нарекуваат гениј, но како беше почетокот, како дојде до тоа да навлезете во филмската уметност? Симе - Македонскиот гениј со глобален печат во филмот.Се се ќ авам на деновите кога со трепет ги чекав неделните филмови на телевизија, a потоа и сам почнав да експериментирам со камера и монтажа. Се почна како хоби но потоа сфатив дека тоа ќе биде мојот животен пат и идна моја професија.И така беше тоа е како некоја зависност која се повеќе те тера да креираш голем наплив на идеи имаш секогаш низ глава и секогаш си велиш оваа е најдобра, но не баш...

ПРОДУЦЕНТОТ СИМЕ МЛАДЕНОВСКИ - КРЕАТИВНОСТ И ВИЗИЈА

MT - Еве следува разговор со истакнатиот продуцент, режисер, Тв водител, Симе Младеновски. МТ - Секогаш сте активни на сите полиња, верувам имате веќе и и некои нови планови, кажете ни нешто за тоа. Симе - Во тек е работа на нови документарни филмови за специјални природни и културни локации во Македонија, со амбиција за учество на престижни меѓународни фестивали и номинации за Оскар Се разгледуваат копродукции и соработки за играни филмови во Србија, Аргентина и САД, како и нови сезони на „Лица и дела“ и проширување на манифестацијата „Сплоти се Македонијо“. Симе Младеновски е визионерски продуцент и режисер чија кариера ги опфаќа и телевизиските интервјуа, и документарните епоси, и меѓународните соработки. Неговиот непрекинат труд, признанија и амбиции го поставуваат меѓу најзначајните медиумски творци во современа Македонија.

МАНАСТИРСКАТА ЦРКВА „СВ. АТАНАС“ И НЕЈЗИНОТО ЗНАЧЕЊЕ ЗА ЉУБОЈНО

ДЕЛ ОД ВИСТИНАТА ЗА ДОЛНА ПРЕСПА Покрај земјениот пат кој води од селото Љубојно кон црквата „Св. Петар и Павле“, на една височинка, се наоѓа црквата посветена на „Св. Атанасиј Велики“. Објектот претставува мала еднокорабна градба со тристрана апсида на исток и влез на западнат страна. Во поново време црквата е малтерисана. Сите преправки, според натписот врежан во малтерот над влезот од надворешната страна се направени во 1968 год. Внатрешноста на црквата со олтарната преграда е поделена на наос и олтарен простор. Иконостасот со трите престолни икони се издига скоро до таванот. Иконите според натписите кои се наоѓаат на нив потекнуваат од 1929 година. Најважната содржина, со која го задржува вниманието црквата „Свети Атанас“, се остатоците на ѕидното сликарство врз источниот ѕид од олтарниот простор. Според стилските карактеристики како и според сочуваниот натпис ова сликарство потекнува од првите децении на 17 век.

Macedonian Timeline Australia

Search This Blog