ПРОМОВИРАНА КНИГАТА “ВЕЧНА СВЕТЛИНА НАД МАКЕДОНИЈА“ ВО ОХРИД

Литературниот клуб Љубители на литература, култура и наука -Св. Висарион од Демирхисар пред читателите се претстави со своето ново објавено дело од авторката Гордана Димовска,  Таа е наш долгогодишен соработник од Мелбурн, далечната Австралија. Авторката потекнува од битолското село Оптичари а од 1993 година живее и твори во Мелбурн, Австралија. Денеска во 12 часот во Градската библиотека Григор Прличев, Охрид, се одржа промоцијата на книгата ‘Вечна светлина над Македонија‘ од Гордана Димовска. Оваа книга е осврт на погледите и визиите за родната земја.     Книгата е збир на дел од нејзините есеи, колумни, лирски исповеди, научни трудови, пораки. Сите тие зборуваат за многу важни моменти од македонската историја, поучуваат, информираат.Честа на промоцијата на книгата им припадна на рецензентите Професорот Вангелко Лозаноски и Љубица Чифлигароска. Делови од книгата читаа и нашите соработници учениците Магдалена Стефаноска и Јана Иваноска од литературната секција од О.У. Кочо Рацин од Охрид. Сите заедно се потрудија со својата вештина да ја пренесат содржината на делото во кое авторката со голема љубов и храброст се бори за зачувањето на македонскиот јазик кај новите македонски поколенија во далечниот свет надвор од границите на нашата Македонија. Авторката за своето дело вели: „ Низ текстовите е одразена борбата за зачувуање на македонските национални вредности кои го создаваат македонскиот идентитет и кои не смеат да се рушат под никакви услови ни цена. Се навраќаме во минатото за да стигнеме до сегашноста и да се изградиме нови патеки покои Македонија сигурно и смело ќе чекори кон СВЕТЛА ИДНИНА.“  Здружението и издавач на книгата, СвВисарион во освртот кон нејзиното дело пишува: “ 

И денес создаваме жива историја и светли и горди примери како се сака и бори за Македонија. Нејзините научни и литературни дела зборуваат за минатото , сегашноста и иднината на родната Македонија. Таа секогаш со голема почит и љубов зборува за нејзините корени со тоа што е чест дописник на наши македонски списанија , весници кои се печатат во нашава татковина и светот. Таа е светол и восхитувачки пример за Македонки и Македонци од Македонија и светот. Само тие кои не ја напуштиле Македонија немаат доживеано што е болка, тага, копнеж насталгија за родната земја.Таа е еден од нашите најблиски и најуспешни соработници од дијаспората . Гордана се појавува како истакната поетеса, есеист, научник, публицист, новинар и просветен работник на македонските ученици -во Мелбурн. Бидејќи промоцијата се изведуваше бес присуство на авторот тука беа присутни нејзините блиски роднини од Битола кои со гордост ја претставуваа фамилијата на авторката.

ЈАВЕН ПОВИК

14.05.2014 година

Агенцијата за иселеништво на Република Македонија во соработка со пратениците од дијаспората во рамки на проектот ,,Македонија памти" објавува:

ЈАВЕН ПОВИК

Се повикуваат иселеничките организации и иселениците од Македонија да достават иницијативи за доделување на одликувања и признанија за особени заслуги и достигнувања на физички и правни лица од иселеништвото за афирмација на Република Македонија во светот, во сите области на општествено делување.

Иницијативите (пополнети апликации) да се достават до Агенцијата за иселеништво на адреса ул. Македонија бр. 19 или на Интернет адресата info@minisel.gov.mk, заклучно до 14 јуни 2014 година. Агенцијата за иселеништво на Република Македонија истите ќе ги проследи до Комисијата за одликување на Претседателот на Република Македонија, Н.Е. д-р Ѓорге Иванов.

Образецот за пополнување на апликациите е достапен на Интернет страната http://www.emigration.gov.mk

Напомена,

Иселениците и иселеничките организации кои минатата година доставија пополнети апликации, не морат да ги праќат повторно, доколку не сметаат дека треба да ги дополнат со нови информации. Агенцијата за иселеништво располага со сите досиеја и во рамки на дадениот рок ќе ги проследи до Комисијата за одликување на Претседателот на Република Македонија, Н.Е. д-р Ѓорге Иванов.

Директор,

Васил Наумов

Одете на веб страницата на Агенцијата за иселеништво http://www.emigration.gov.mk
и пополнете ги образсците

образец 1

образец 2

Петта годишна конференција на иселеничките организации во Република Македонија

08.05.2014 година

До сите македонски иселенички организации и асоцијации

Предмет: Покана за учество на Петтата годишна конференција на иселеничките организации во Република Македонија


Почитувани,

Ми претставува особена чест и задоволство да ве поканам да земете учество на Петтата годишна конференција на иселеничките организации, што ќе се одржи на 23 и 24 јули 2014 година во Скопје во амфитеатарот на Министерството за надворешни работи, во организација на Агенцијата за иселеништво на Република Македонија. Исто како и минатата година и оваа година очекуваме Конференцијата да биде отворена од страна на Претседателот на Владата на Република Македонија, г-дин Никола Груевски.

Дневен ред на Конференцијата:

1. Чување и негување на македонскиот јазик и култура како и јазикот и културата на припадниците на заедниците во Република Македонија кои не се мнозинство и поддршка на конкретни проекти и активности на иселениците и иселеничките организации од страна на надлежните државни органи

2. Државјанство и избирачко право

3. Организираност и поврзаност на иселениците од Македонија и нивните организации во светот и нивна соработка со Агенцијата за иселеништво на Република Македонија и организирање на форуми на иселеници според одделни професии

4. Остварување на пензиско право на иселениците

5. Завршни дискусии (прашања и одговори) со пратениците од дијаспората

6. Свечено затворање на Петтата годишна конференција на иселенички организации и доделување на одликувања и признанија "Македонија памти" за особени заслуги и достигнувања на физички и правни лица од иселеништво, за афирмација на Република Македонија во светот, во сите области на општествено делување од страна на Претседателот на Република Македонија Н.Е. д-р Ѓорге Иванов

Ве молиме присуството на претставниците од вашата огранизација да го потврдите во Агенцијата за иселеништво најдоцна до 30 јуни 2014 година. Доколку претставниците имаат интерес за свои излагања по наведените теми, ве молиме да ги најавите до наведениот датум, а за подетални информации околу Програмата ќе ве известиме веднаш по нејзиното изготвување.


e-mail: info@minisel.gov.mk или
тел: 00389 23118 633
факс 00389 23118 539




Директор
Васил Наумов

ПОЧИНА ПРОФ. Д-р НАУМЕ РАДИЧЕСКИ

In memoriam

Веста за смртта на проф. д-р Науме Радически пристигна и до нас во Австралија.  Разбравме за прераната кобна смрт  на нашиот драг пријател, соработник со Македонското литературно друштво „Григор Прличев“ од Сиднеј и негов почесен член. Соработката со Науме започнува од оржувањето на поетската манифестација „Млада Струга – 1979“ и траеше се до издишувањето на неговиот благороден македонски дах. Секогаш беше спремен без никаква наплата да им помогне на поетите – печалбари, да им направи јазични корекции, да им напише рецензии, да ги посоветува... Без да се пожали на болките кои му ровареа низ неговото тело, не ја откажа промоцијата на книгата „Угрејсонце во мојот сон“, туку со последни сили  се качи на говорницата и пред неколкуте стотинa посетители кои учествуваа на 4-та Годишна конференција од Агенција за иселеништво на РМ во хотелот „Александар палас“ најучтиво истата ја промовира.  

Роден е на 18 мај 1953 година во село Дабово (Мешеишта) кај Охрид, Македонија. Основно училиште завршил 1968 год. во Дабово, а средно 1972 во Охрид. На Филозофскиот факултет во Скопје во 1975 год. завршил студии по историја на југословенските книжевности, а на Филозофскиот факултет студирал историја на уметноста со археологија. На Филолошкиот факултет „Блаже Конески“ во Скопје, на кој работи повеќе од три децении, магистрирал (1981) и докторирал (1990), а смртта го стекна како редовен професор по современи јужнословенски книжевности. Уметничката, критичарската и научно истражувачката актива на Радически е разновидна: поезија, литературна и ликовна критика, литературна историја, есеистика итн. Поедини негови поетски творби, критичко-есеистички текстови и статии од литературната наука се објавувани на други јазици. Освен македонската литература и во современоста, негова научна преокупација се некои спојни теми во јужнословенскиот книжевен контекст како: македонските теми во другите јужнословенски книжевности, делото на Македонците кои во минатото создавале литературно творештво на другите јужнословенски јазици и др. Учествувал на уредување на весници и списанија како „Литературен збор“, „Стожер“ и други. Составувач е на некои избори од македонската литература, како „Дванаесет векови македонска книжевност“ (1997) итн. Автор е на поетските книги : „Постоења и мотиви“ (1975), „Светол тажен вик“ (1984), „Контрасти“ (1992), „Преображение човеково“ (2001), „Астрални проекции“ (2008), „Астрални проекции“ (2012 – второ и дополнително издание со лирски есеи). Од Критичко-есеистички и научно истражувачки трудови се: „Критички интерпретации на младата македонска литература“ (1983), „Релации и континуитет“ (1996), „Метаморфози“ (1999), „Време без збор“ (2000), „Патишта и крстопати низ јужнословенските книжевности“ (2004, наградата на ДПМ Димитар Митрев), Литературни раскрсници“(2006, државна награда Гоце Делчев, „Аналитички рефлексии“ (2007), „Литературни погледи на Димитар Митрев“ (2009), „Пред алфа и пред дета“ (прилози за македонската другојазична литература) (2011), „Словенска алка“ (2012), „Црногорска книжевност – македонско огледало“  на црногорски јазик, Подгорица (2013), „Македонски литературен потсетник“ – книга 1 (2013) и „Браќата Миладиновци“ (2013)

                                                                                                                               Иван ТРПОСКИ