Skip to main content

ДОЈДОВ

Автор: Живко Деспотоски
Дојдов ненајавено
да си ја видам
сенката,
да и плукнам в лице
да ја обезличам,
во провалија
да ја втурнам.
Да и кажам
оти и е грдо лицето
да и се изнавикам,
и да си поплачам
на гробот
од дедојната,
од мајкојната.
Дојдов
да ги слушам
тропотите
на копитата
на изнемоштените
доодени коњи.

Од болештини
талкаат по доловите,
по ридјето,
по змискиот камењар,
дека нема кој да ги
прибери
во гробјето
за починка и вечен мир.
Дојдов
не оти сакав да дојдам
ама,ете,сè една мисла
ме тишти,умот ми го дроби,
ах,тие камења
тие белутраци воденички,
шибаат во мене,
та нели сум корен
окоренет покрај река,
без да сетам
во пепел сум се сторил.
Дојдов
оддалеку ти ме викаш
чекорам врз твојата
каменита снага,
ги заклучувам катанците
на црвосана ограда,
од висини погледот
го капам во бистрите води
Горноречки.
Дојдов
да си поприкажеме
колку ни' била тешка
самотијата
среде оваа недогледна
пустелија од ѕверови
молњи,врисоци
мајкини,таткови,дедови,
та плачот клетва ни' бил,
за одродот од грутка земја
родница.
Тука сме,да се исплачеме
колку нè глас држи,
во самрак опиени
при душа,без душа сме,
под трошни стреи
душите вечен помен
скротиле,
во зародиш чедата,
ќе истурат чаша вино,
пченица,догорена свеќа,
на коските в пеплишта
гламносани.
Живко Деспотоски
2017

Macedonian timeline

Comments

Post a Comment

Popular posts from this blog

МАНАСТИРСКАТА ЦРКВА „СВ. АТАНАС“ И НЕЈЗИНОТО ЗНАЧЕЊЕ ЗА ЉУБОЈНО

ДЕЛ ОД ВИСТИНАТА ЗА ДОЛНА ПРЕСПА Покрај земјениот пат кој води од селото Љубојно кон црквата „Св. Петар и Павле“, на една височинка, се наоѓа црквата посветена на „Св. Атанасиј Велики“. Објектот претставува мала еднокорабна градба со тристрана апсида на исток и влез на западнат страна. Во поново време црквата е малтерисана. Сите преправки, според натписот врежан во малтерот над влезот од надворешната страна се направени во 1968 год.  Внатрешноста на црквата со олтарната преграда е поделена на наос и олтарен простор. Иконостасот со трите престолни икони се издига скоро до таванот. Иконите според натписите кои се наоѓаат на нив потекнуваат од 1929 година. Најважната содржина, со која го задржува вниманието црквата „Свети Атанас“, се остатоците на ѕидното сликарство врз источниот ѕид од олтарниот простор. Според стилските карактеристики како и според сочуваниот натпис ова сликарство потекнува од првите децении на 17 век.
1 comment
Read more

КОЈ Е СЛАВЕ НИКОЛОВСКИ – КАТИН?

Пишува: ДУШАН РИСТЕВСКИ-МАКЕДОН Славе Николовски – Катин, ѝ е познат на македонската и на меѓу¬народната културна и научна јавност со многубројните публицистички и научни трудови посветени, главно, на животот на Македонците во светот, но и на низа други аспекти поврзани со дијаспората, како и со литературата, културата, религијата, науката… Тој е роден на 19 август 1941 година во Преспа. Осумгодишно училиште завршил во Љубојно, а средно техничко училиште, Геодетски отсек и Филолошки факултет, група Англиски јазик и книжевност во Скопје. Две години студираше и на Вишата геодетска школа во Белград ако студент, замина во Канада, каде што остана четири години. Во Торонто се школуваше во Интернационалниот институт за англиски јазик и литература „Раерсон”. Извесен период работеше како геодет и пројави активност во македонската колонија во Торонто. Еден мандат во 1978 година беше генерален секретар на Црковната управа при Македонската православна црква „Св. Климент Охридски” во Торонто. П...
Post a Comment
Read more

ИЗЛЕЗЕ ОД ПЕЧАТ СПИСАНИЕТО „ПОВОД 75“ - ОГЛЕДАЛО НА МЛД “ГРИГОР ПРЛИЧЕВ“ ОД СИДНЕЈ

Списанието „Повод“ бр. 75  за јануари 2026 година, наменето за литература и култура, се појави во печатена и во електронска форма, двојазично, со цел тоа успешно да го промовира македонскиот јазик, литература, култура и македонската заедница во демократска и мултикултурна Австралија. Списанието е еден вид огледало на МЛД „Григор Прличев“ и е посветено на постигнувањата на македонските иселеници. Иаку, друштвото „Григор Прличев“.новиот број на списанието „Повод“ го збогати со поетски содржини посветeни на дедовските корени во Македонија, за кои пишуваат со големи чувства и силна љубов, какви што можат да се сретнат  кај македонските иселеници во светот.  Списанието „Повод“ е посветено на животот и делото на Наум Трајчески. Кој е роден 1952 година во село Издеглавје, Охридско. Од 1977 година живее во Австралија. Основач е на Македонското литературно друштво ,,Ванчо Николески“ од Квинбијан, Нов Јужен Велс. Наум неуморно работи на промовирањето на македонскиот збор преку одрж...
Post a Comment
Read more