Sunday, January 29, 2023

Преку големата водa

Автор - Оливер Крстевски

Зошто дојде како да е мода

Да се оди преку големата вода

За печалба, пуста и тешка

Се прави страшна грешка.

Да се кине срце на мајка

А не живот како од бајка

Да ве гледа во нејзин двор

А вака не можи да изусти збор.

Солзи рони, на гради грутка

Ах сега да беа тука

Да има за кого зелник да месам

Вака сама крај оган, а се тресам.

Само слушам гласови и шумови

Ете, идат по нашите др умови!

Но, од сон ме будат кучиња

Збунето(а), не биле моите внучиња.

Не можам повеќе да се борам

И жива во оган да горам

За кого да живеам јас тука

Мајкино срце ќе престане да чука.

Џабе после куќи и палати

Кога ниту еден нема да се врати

И споменици и цвеќиња на гробот

Кога нема овде, кој да го продолжи родот.

За мајка, стара куќа е палата

Само да има кој да крца врата

За бадник крај огниште да седам

И со вас питулици да си редам.

Дај боже сториме силна птица

Да ги видам нивните лица

Да ја прелетам "Големата  Вода"

И прегрнам за последно, најмилата рода.

8/01/2023 Крстевски Оливер Поешево Битола

No comments:

Post a Comment

НЕВЕРОЈАТНИ ЗАПИСИ ЗА МАКЕДОНИЈА

Македонија е опишана од страна на голем број светски патописци, новинари како земја во која постојано нешто се случува. Се чини дека од секо...