ОБЈАВЕНА КНИГАТА "ГОРКА КНЕДЛА" ЗА НАСИЛСТВО ВРЗ ЖЕНИ ОД АВТОРКАТА ВАЛЕНТИНА ЃОРЃИЕВСКА ПАРГО

На 22 декември 2023 година, во "Јавна соба" во Скопје организацијата Новинари за човекови права ја промовираше книгата "Горка кнедла" од авторката Валентина Ѓоргиевска Парго

Издавач е Филип Спировски, претседател на организацијата. Дизајнот на корицата е изработен од талентираната средношколка од "Орце Николов", Николина Таневска.

Оваа книга е плод на повеќегодишно посветено новинарско ангажирање на Парго на тематиката за жените- жртви на насилство од секаков тип, и е вистинска експлозија од изјави, признанија, реални приказни, случувања, моменти, ситуации на бројни жени.

Работена е во периодот од 2017 година досега, а преку приказни, меко прифатливи за читање, изнесени се конкретни проблеми со кои се соочува жената денес.

Несфатеноста, запоставеноста, негрижата, потценетоста, многуте обврски, преангажираноста, лошиот однос, здравствените и семејните проблеми, институционалното насилство, неморалот, беспарицата, невработеноста, лажниот имиџ, лажните идоли, помодарството, медиумската пропаганда, нечесната трка по пари, безмилосната политика, нарушеното достоинство, сѐ се тоа проблеми кои го косат животот на жената во денешницата, вели авторката.

ЖЕЛБАТА НА МАКЕДОНЦИТЕ - МАКЕДОНИЈА 1919

We, the Macedonians - Constantine Stephanove - the secretary of Macedonian Council for Switzerland - Member of American Geographical Society - 1919

Македонците не смеат да бидат третирани како "лична сопственост"..Дури и страдањата во Ерменија бледнеат во споредба со она низ што Македонците поминаа..Country whose history was continual struggle for human rights and liberty and which has made far greater sacrifices at the alter of freedom than some other states that have just been emancipated - Macedonia is to day anxiously awaiting an equitable solution for her fate/Земја чија историја беше континуирана борба за човекови права и слобода и која даде повеќе жртви при олтарот на слободата од некои други држави кои штотуку беа еманципирани - Македонија до ден денес со страв очекува правично решение за нејзината судбина."

Macedonian Timeline Australia

ИЗЛЕЗЕ ОД ПЕЧАТ НОЕМВРИСКИОТ БР. 64 НА СПИСАНИЕТО „ПОВОД“ ОД СИДНЕЈ

Пишува: СЛАВЕ КАТИН

Македонското литературно друштво „Григор Прличев“ од Сиднеј го објави

ноемврискиот бр. 64 од списанието „Повод“ кое е наменето за литература и

култура. Ова значајно списание успешно ги промовира македонскиот јазик,

литература, култура и македонската заедница во демократска Австралија. .

Новиот број на сисанието „Повод“ на насловната страница ја содржи фотографијата на

поетесата Љубица Поповска  од Мелбурн, на која во 2023 година се навршија 45 години

од објавувањето на нејзината прва збирка песни “Битола, бабан, Битола” посветена на

4-ти Ноември, ослободувањето на Битола. Таа е родена во Битола. Дипломирала на

Економскиот факултет и Филозовскиот факултет во Скопје. Автор е на петнаесет дела

објавени во Македонија и Австралија.

Во овој број на списаниетo „Повод“, Гордана Димовска се осврнува на првото дело ”Меѓа

на животот”, за кое пишува дека Љубица Поповска зборува за животот кој постојано и е

исполнет со непредвидливи ситуации, и плете мрежа од која не знае како, но остава на

судбината, на времето. Стиховите низ целата книга се произлезени од душа, со

едноставност и смиреност ни зборуваат и чиниш се залеваш со сласт и учиш нова

животна лекција.

Македонски фестивали на храна во Австралија – обединете се!

МАКЕДОНСКИ ФЕСТИВАЛИ НА ХРАНА ВО АВСТРАЛИЈА – ОБЕДИНЕТЕ СЕ ОПРАВДАЈТЕ ЈА ПРИЧИНАТА ЗА СВОЕТО ПОСТОЕЊЕ, ПРОМОВИРАЈТЕ ЈА МАКЕДОНСКАТА КУЛТУРА ВО ЦЕЛОСТ

Уште од антика, во секое општество, без разлика на местото и времето, имало фестивали, пред се насочени кон верата, посебната локална култура и секојдневниот живот. Празнувањето на исклучителни настани, или на обожавање и чест, на божество, херој и истакнати личности се древни. Фестивалите треба да придонесат за промоција на различни форми на уметничко изразување, но и искористување на културниот потенцијал во местото каде се одржуваат.

Културен фестивал е прослава на традициите на одреден народ или место. Штандовите кои се обидуваат да презентираат јазик или за какви услуги нудат во Заедницата се сосема занемарени, Публиката стои/седи само во центарот каде се игра и пее. Како го промовираме јазикот и другите услуги кои се нудат за нашите во Заедницата низ оваа бучава и обидите да се дојде на ред да се купи јадење или кафе.

Водителите се мачат да зборуваат на македонски и речиси ништо не кажуваа за целите на самиот фестивал нити презентираат учесниците како што треба. А и кому му е до јазикот кога има музика и скара? Јазикот веќе си го губи своето значење, како да не е ништо важно, секој си зборува како знае и умее и овде и во Македонија. Поминуваа луѓе од разни етнички групи, Австралијани, едно прашање беше “Каде е Македонија, каква е Македонија, продавте ли карти за патување – би сакал да одам да ја посетам таа земја”. Значи треба да имаме нешто повеќе за Македонија, информативен штанд со се за Македонија, не само скара, игра и песна.

А други наши возрасни кои имаат интерес сега да учат Македонски – прашаа: а каков македонски би не учеле? Оној на кој збруваа нашите баби и дедовци?? Те наведува да се запрашаш, Колку видови Македонски имаме – навистина? Училиштата во Викторија каде се предава македонски јазик повеќе од 46 години, маки мачат да ги задржат програмите од година до година, а сме имале 50.000 Македонци во Викторија а само 500 деца запишани во сите училишни центри во Викторија. Што треба тука да се подобри? Каде заспала свеста за зачувување на јазикот. Кога нешто имаме умееме лесно да го игнорираме и избегнуваме се додека не се уништи и после враќање нема. Како низ историјата – неми сведоци на самоуништување. Родени да се самосожалуваме кога се ќе се уништи, ќе му дојде крајот.

Освен традицијата, фолклорот, јазикот треба да заземе посебно место на сите вакви настани во дијаспората како препознатлив белег на македонската нација. Да се инволвираат литературните асоцијации, учителската асоцијација, да се направи вистински план кој би опфаќал читање поеми, драмски изведби, презентација на македонска литература, македонски обичај. Токму јазикот помага да се зачуваат културите, како што е и нашата која се обидуваме да ја презентираме, промовираме.

Сите поединци треба да се чувствуваат слободни да ја истражуваат посебноста на нивната култура и идентитет. Јазикот е еден од најважните аспекти на културата. Без јазик, нашите спомени би биле крајно ограничени. Јазикот ни помага да ги пренесеме идеите, знаењето па дури и начинот на мислењето, на наредните генерации. Дали ќе успееме само со одржување на фестивали на храна или да работиме на свеста за тоа колкава е неговата важност.