СОЊА ЛОЗАНОВСКА ОД ТОРОНТО – ДОБИТНИК НА ПРИЗНАНИЕТО „ЗЛАТЕН КЛАС“ НА „24-ТЕ ПЕЛАГОНИСКИТЕ СРЕДБИ“

Соња Лозановска е познат и признат новинар, естраден уметник и главен и одговорен уредник на весникот „Македонија“ од Торонто. Таа е овогодишен добитник на признанието „Златен клас за македонски вознес“, што и’ го доделија на „24-те Пелагониските културно – научни средби“ во Новаци, Битолско Наградата е доделена на една од најактивните и најценетите македонски општествени естрадни уметници, Соња Лозановска, која е позната во македонската културна и поширока јавност, а со својот весник „Македонија“ има посебно место во информативната дејност на Македонците на Северно-американскиот континент. Таа придонесува весникот да биде еден од прозорците кон светот и сакан гостин во домовите на Маке­дон­ци­те во Канада. во Соединетите Американски Држави и пошироко. Исто така, Соња како естраден уметник е позната дама и активист во заедницата, а со тоа има значајно место во целокупното живеење на Македонците во метрополата Торонто.

НАГРАДЕН КОНКУРС ЗА ПРЛИЧЕВА НАГРАДА

СООПШТЕНИЕ

 Македонското писателско друштво „Григор Прличев“ од Сиднеј го организира својот традиционален награден конкурс за поезија и проза за возрасни и деца:

* РАСКАЗ НА ГОДИНАТА ЗА ВОЗРАСНИ

* ПОЕТСКА ТВОРБА НА ГОДИНАТА ЗА ВОЗРАСНИ

* РАСКАЗ НА ГОДИНАТА ЗА ДЕЦА

* ПОЕТСКА ТВОРБА НА ГОДИНАТА ЗА ДЕЦА

Услови:

* Темата е слободна. Пожелно е расказите да не содржат повеќе од 800 зборови.

* Претходно објавени или издадени дела нема да се разгледуваат.

* Делата да се испраќаат на електронската пошта или на адресата на Друштвото под шифра.

* За секој жанр да не се испраќаат повеќе од пет дела.

* Делата можат да бидат пишувани на македонски или англиски јазик.

Напомена: Конкурсот е наменет за Македонците кои живеат и творат во Австралија.

 Ќе се доделат по три награди за секој жанр, во зависност од квалитетот на доставените дела.

Конкурсот трае до 31 декември 2024 година.

Делата да се испраќаат до адресата на Друштвото:

P.O. Box 227 Rockdale NSW 2216, со ознака „За Прличева награда“ или на емаил: povod@macedon.com

Од Извршниот совет на

Литературното друштво „Григор Прличев“

Macedonian Timeline Australia

НОВИОТ БРОЈ НА СПИСАНИЕТО „ПОВОД 69“- ОГЛЕДАЛО НА МЛД “ГРИГОР ПРЛИЧЕВ“ ОД СИДНЕЈ

Списанието „Повод“ бр. 69  за октомври 2024 година, наменето за литература и култура,

се појави во печатена и во електронска форма, двојазично, со цел тоа успешно да го

промовира македонскиот јазик, литература, култура и македонската заедница во

демократска и мултикултурна Австралија. Списанието е еден вид огледало на МЛД

„Григор Прличев“ и е посветено на постигнувањата на македонски иселеник.

Исто така, членовите на Македонското литературно друштво „Григор Прличев“.новиот

број на списанието „Повод“ го збогатиле со поетски содржини посвети на дедовските

корени во Македонија и на нивната прва татковина – Македонија, за која пишуваат со

големи чувства и силна љубов, какви што можат да се сретнат кај македонските

иселеници во светот.