ШТО СО РЕКЛАМИТЕ?

Како би се живеело без реклами? Колку да им веруваме на рекламите? Можат да бидат убедливи, но до нас е да го оцениме вистинскиот квалитет на се што се рекламира. 

Во дамнешно време Египјаните користеле папирус за да ги пренесат своите рекламни пораки. Во античко време рекламните пораки биле изведувани со боење на камен и по ѕидовите. Денес не може да се замисли пласирање на производ, идеја, вест,кампањи без реклами. На секој чекор, во секој момент каде и да погледнеш, се заприметуваат рекламни табли, банери, звучни реклами, видео реклами, текстуални пратени на мобилните телефони. И колку и да сакаш да ги одбегнеш, невозможно е затоа што ги има насекаде и на се. Се чини дека некому е од суштинско значење  да го пробие својот пат во јавноста. На некои им помага да се збогатат и популаризираат, а некои да пропаднат.

 Секој вложува во промовирање а успешноста зависи од многу фактори меѓу кои најважни се конкуренцијата,ексклузивноста и понудениот  квалитет.

Според научниците, рекламирањето е желба за успех на одреден производ или стекнување на популарност. Сакале или не, рекламата го поттикнува, но и го тестира потрошувачот. Кога некој сака да купи нешто, размислува за потребата, трошоците, квалитетот, вредноста на самиот производ. Рекламата е тука брзо да те убеди.
Потрошувачот е тој што одлучува дали му треба и колку му треба нешто.
Храната и облеката се неопходни во животот на човекот. Тие не мора да бидат на тв реклами па да бидат купени. Кога е некој гладен му е потребна храна, кога некому е студено, му треба облека. Луѓето сами знаат каде да се снабдат со овие неопходни работи..

Многу мал е бројот на луѓе кои не се афектирани односно не поверувале на телевизиските реклами. Всушност, на овој  медиум најчесто се гледаат рекламни спотови без кои не можи да се замисли опстојувањето на самиот медиум. За само 20 секунди рекламен материјал на тв, наплаќаат $150.000. Мулти милијарерските корпорации кои управуваат со телевизиските мрежи, не би можеле да бидат тоа што се, без телевизијата. А да се зборува за телевизија, невозможно е да не се спомене и рекламирањето. Овој медиум се користи и за инфомерцијал каде што се рекламира и купува инстантно на дадените телефонски линии.

Еден американски научник  смета дека телевизиските реклами не секогаш  ја кажуваат вистината, ниту фактите. Преку нив всушност се наметнува некој нов стил, начин на живеење, и можност за избор дури и кога нема избор. Нивната работа е да да го пласираат производот со неговите ’посебни’ квалитети а недостатоците ги прикриваат откриваат. Старите често велат: “ако било убаво, не се рекламира“, или “се рекламираат тие на кого не им оди од рака“. Можеби донекаде има и вистина во тоа. Не е се толку добро како што е претставено нити пак вложувањето во скапи реклами го дава посакуваниот ефект.  

 Со појавата на интернетот во деведесеттите години рекламирањето доживеа вистински бум.  Социјалните мрежи како еден нов флексибилен и ефтин  начин на рекламирање и промовирање на идеи, кампањи.

 И додека се се врти околу  милиони потрошени  за  реклами , во светот постојат 713 до 757 милиони, што претставува еден од секои 11 луѓе во светот. Ова е значаен проблем, со над 2,3 милијарди кои се соочуваат со глад. Доколку барем мал дел од  државните буџети се одвои за оваа сериозна појава, гладните, бездомни и настрадани луѓе би имале парче леб в рака и покрив на главата. Само во Америка има 45 милиони гладни луѓе. Во Африка, Азија и Латинска Америка има 500 милиони луѓе кои живеат во сиромаштија а секоја година во светот умираат 15 милиони деца.

Според статистиката на Светската здравствена организација, една третина од светот е исхранета, една третина недохранета, а една третина гладува. 3 милијарди луѓе во светот се борат да преживеат со само 2 долара на ден.

Во Австалија има 3.4 милиони луѓе кои се соочуваат со немање на храна a 116 илјади бездомници.

И во 21 век светот, никако да се справи со овој сериозен проблем. Зборот глад, се уште го има истото значење – недостиг или немање на храна за луѓето да можат да водат активен и здрав живот. Сиромашните не располагаат со средства за задоволување на основни потреби додека богатите имаат се и треба да им помогнат на загрозените.. На крајот завршувам со зборовите на Папата Бенедикт Шеснаесетти, “ За да се бориме и да ја победиме гладта важно е да ги редефинираме принципите, кои досега ги определуваа меѓународните односи.  Тие треба да се засноваат на човековата солидарност и нејзиниот одредувачки принцип – љубовта“.

Пишува: Гордана Димовска

Macedonian Timeline Australia