Skip to main content

ПОЗДРАВ ДО МАЈКА МИ

Во виорот на војната 2001
 Проштален е молкот во немоќ
да се исплачеме,
ветрот,тој див речен ветар
ја растргал мрачната завеса
на ѕвездена вечерница,
меѓу мене и твојот избледен лик.
Црковното Ѕвоно ја растреперува
болката вклештена меѓу
бршлените во Горноречие,
мачна и тешка е самотијата
кога нема кој да и' запее свадбарска
во мајкина прегратка.

Ти пуштам поздрав со солза
расплакана,
поздрав носен на гласот
од времево смуртено,
со смрачено чело,згрчени усни,
душава треперлива
задишениов воздух,
мачнина ми се.
Ѕвездо моја ти што ми го
осветли патот,
не стигнав да ти кажам
колку многу те сакам,
не стигнав на време
да ти ги бакнам рацете
топлина што зрачат.
Прости ми, знам колку сум грешен
сите гревови ќе ги понесам,
претежок товар да ми се.
Прими го поздравов и тој
премалку е,
за твојата неутешна
тага, таговна,
примиги цветовиве брани
во мирисни ливади,
ќе овенат дури стигнат
до твоите уморни расплакани очи,
ќе остане мирисот на
мојот нескротен здив,
прими го со сета твоја добрина
на гради да почива
мојата изгубена сенка.
Прими го поздравов
како утеха на нашето
ветрометно минато,
дете бев и тогаш не знаев
да те сакам,
спомените во длабок сон заспани
во мисливе матни.
Каде и да се свртам
ден ли е,или ноќ,
гласот твој ме прогонува,
се гледам во огледалото
на мојата безумена мисла,
се прибирам
ете сонот пак вечерва ме прогонува.
Растргнат сум меѓу овие
недогледни планини,
задишен во мене
со треперливи прсти
го напишав прошталното писмо,
понеси го со себе
во скрушена тишина
прочитај го,
кога ангелите ќе те
воскреснат,
сетисе на мене,
знај кај тебе итам
со песната на белата смрт.


Автор: Живко Деспотоски


Macedonian timeline
Labels:

Comments

  1. Sonja DurcakSeptember 2, 2017 at 4:40 PM

    Стихови,разбранети по просторот, носени во пазувите топли,осветлени со звесдите,замаглено со солзите,а успомените живи кој живеат и во вечноста на песната.... Ѕвездо моја ти што ми го
    осветли патот,
    не стигнав да ти кажам
    колку многу те сакам,
    не стигнав на време
    да ти ги бакнам рацете
    топлина што зрачат......многу топол поздрав Живко.

    ReplyDelete

Post a Comment

Popular posts from this blog

МАКЕДОНСКИОТ ГЕНИЈ СО ГЛОБАЛЕН ПЕЧАТ ВО ФИЛМОТ

Филмот не е само приказна која ја гледаме тоа е огледало во кое човештвото се гледа и преиспитува.Филмот е молк што зборува светлина што боли а вистина што не се заборава. Еден добар филм не ти нуди одговор туку ти поставува прашање што не престанува да те следи.И за крај филмот е уметност да ја кажеш најтешката вистина и да ја претвориш во убавина - Симе Младеновски. MT – долго време сте во медиумскиот свет и постигнувате големи успеси, ве нарекуваат гениј, но како беше почетокот, како дојде до тоа да навлезете во филмската уметност? Симе - Македонскиот гениј со глобален печат во филмот.Се се ќ авам на деновите кога со трепет ги чекав неделните филмови на телевизија, a потоа и сам почнав да експериментирам со камера и монтажа. Се почна како хоби но потоа сфатив дека тоа ќе биде мојот животен пат  и идна моја професија.И така беше тоа е како некоја зависност која се повеќе те тера да креираш голем наплив на идеи имаш секогаш низ глава и секогаш си велиш оваа е најдобра, но не баш...
Post a Comment
Read more

ПРОДУЦЕНТОТ СИМЕ МЛАДЕНОВСКИ - КРЕАТИВНОСТ И ВИЗИЈА

MT -  Еве следува разговор со истакнатиот продуцент, режисер, Тв водител, Симе Младеновски.   МТ - Секогаш сте активни на сите полиња, верувам имате веќе и и некои нови планови, кажете ни нешто за тоа. Симе -   Во тек е работа на нови документарни филмови за специјални природни и културни локации во Македонија, со амбиција за учество на престижни меѓународни фестивали и номинации за Оскар Се разгледуваат копродукции и соработки за играни филмови во Србија, Аргентина и САД, како и нови сезони на „Лица и дела“ и проширување на манифестацијата „Сплоти се Македонијо“. Симе Младеновски е визионерски продуцент и режисер чија кариера ги опфаќа и телевизиските интервјуа, и документарните епоси, и меѓународните соработки. Неговиот непрекинат труд, признанија и амбиции го поставуваат меѓу најзначајните медиумски творци во современа Македонија.
Post a Comment
Read more

ИЗЛЕЗЕ ОД ПЕЧАТ СПИСАНИЕТО „ПОВОД 75“ - ОГЛЕДАЛО НА МЛД “ГРИГОР ПРЛИЧЕВ“ ОД СИДНЕЈ

Списанието „Повод“ бр. 75  за јануари 2026 година, наменето за литература и култура, се појави во печатена и во електронска форма, двојазично, со цел тоа успешно да го промовира македонскиот јазик, литература, култура и македонската заедница во демократска и мултикултурна Австралија. Списанието е еден вид огледало на МЛД „Григор Прличев“ и е посветено на постигнувањата на македонските иселеници. Иаку, друштвото „Григор Прличев“.новиот број на списанието „Повод“ го збогати со поетски содржини посветeни на дедовските корени во Македонија, за кои пишуваат со големи чувства и силна љубов, какви што можат да се сретнат  кај македонските иселеници во светот.  Списанието „Повод“ е посветено на животот и делото на Наум Трајчески. Кој е роден 1952 година во село Издеглавје, Охридско. Од 1977 година живее во Австралија. Основач е на Македонското литературно друштво ,,Ванчо Николески“ од Квинбијан, Нов Јужен Велс. Наум неуморно работи на промовирањето на македонскиот збор преку одрж...
Post a Comment
Read more