МАНАСТИРСКО ПОЕТСКО ЕХО

Во рамките на Демирхисарското културно лето на Општина Демир Хисар а во организација на Литературното здружение Љубители на литература, култура и наука, “Св. Висарион“, на 27 август во Манастирот Пресвета Богородица, Суводол, се одржа поетската манифестација “Поетско манастирско ехо“. На овој настан свој допринос даде и познатиот Игор Џамбазов кој исто така го најави културното лето и ja прочита поемата од Виолета Сековска,  “Македонија со Македонија се граничи“.

ПРАВОПИС 4

КАКО Е ПРАВИЛНО???

корекција - коректен - коригира (не корегира)

перцепција - перципира (не перцепира)

визуелно - визуализира (не визуелизира)

актуелно - актуализација (не актуелизација; важи истата забелешка како во претходниот пример)

благодат (не благодет, колку и да ти звучи необично)

обожава -  (не обожува) (восхитува на некого или нешто, почитува некого или нешто како божество)

ПРОМОЦИЈА НА ДЕЛОТО НА НАШИТЕ ЛИТЕРАТУРНИ ТВОРЦИ

Во соработка меѓу литературните друштва Григор Прличев  од Сиднеј и Браќа Миладиновци од Мелбурн, в петок, на 29 август од 18:30 часот во просториите на социјалниот клуб на Престон Македонија, 231 Broadhurst Avenue, Reservoir, се организира промоција на еминентните македонски автори од Сиднеј, Австралија Душан Ристевски и Иван Трповски.

УЧИМЕ МАКЕДОНСКИ - УЧЕНИЦИТЕ СО НОВ ПРОЕКТ

Учиме, читаме, пишуваме, зборуваме Македонски
Study Macedonian language at Victorian School of languages
Со учениците од петто одделение при училиштето за јазици во Keilor Downs го започнавме вториот семестар од оваа учебна година со нов проект наречен Македонска книга. По дадените инструкции, учениците започнаа со креирање на насловна корица кој опфаќа наслов, име на креаторите, илустрација. Повеќето од учениците ја илустрираа страницата со македонското знаме во разни форми и дизајни, букви, деца.

Поздравно писмо од Здружението Љубители на литература, култура и наука, Св Висарион

 Почитувана Гордана, ценети промотори и учесници на промоцијата на книгата ВЕЧНАТА СВЕТЛИНА НАД МАКЕДОНИЈА, ОД нашиот почитуван и вреден соработник Гордана Димовска Во ја честитаме промоцијата Во мое име и во името на Љубители на литература, култура и наука.

Од родната Македонија, ги поздравуваме сите учесници на оваа славна промоција. Далечината не прави посилни за да ја споделиме радоста со вас, за големиот подвиг и успех на Гордана Димовска-горда Македонка, со љубов кон Македонија.

ПРОМОЦИЈА НА КНИГАТА “ВЕЧНА СВЕТЛИНА НАД МАКЕДОНИЈА“ ОД ГОРДАНА ДИМОВСКА

 За големиот ден Илинден беа организирани низа свечености, фестивали, чествувања пред споменикот Shrine , што е доказ дека значајноста на овој светол датум од македонската историја е голема и се повеќе живее во свеста на секој Македонец каде и да е во светот.  

Еден од настаните беше и промоцијата на книгата “Вечна светлина над Македонија“ од Гордана Димовска, одржана во Sheldon Reception а чиј промотор беше Јанко Томов – писател и активист од Бризбен.  Презентацијата на книгата беше поткрепена и со цитати, рецитации, драматизација на расказот Завет за Македонија кој многу идентично го отслика времето, ликовите, тагата на старата мајка во очекување на синот да се врати од туѓина.

Песните од авторката Илинденска и Татковина беа рецитирани од Весна Дамчевска и Соња Стојановска. Драматизацијата беше на Дона Д. Кантаровска, Мартин Масалковски и Пара Петровска (раскажувач).

Беа прочитани поздравни писма од Ванѓелко Лозаноски – Здружение на литература, култура, наука Св Висарион (издавач на книгата), од Мане Јаковлески – уредник на Македонска нација и од литературното здружение “Григор Прличев” од Сиднеј (Душан Ристевски). Десет книги беа откупени пред промоција од читателот Доне Димов и  по негова желба беа доделени на присутните.

Водител беше Виолета Јовановска од SBS радио. Музички гостин беше Вера Трајкоска која ја воодушеви публиката. Промоцијата беше поткрепена, спонзорирана и снимeна од DI GI Целе Петровски кој со своето долгогодишно професионално искуство им дава посебна магија на сите настани, фотографиите од спонзорот Darbor photography (Перо Веселинов), поклони за учениците додели C-net Tecnology (Крис Ланговски).

 Говорител беше и Гоце Дуковски, поранешен професор на авторката кој сакаше да и честита и заблагодари за нејзините активности во Заедницата. Координаторот на Литературното здружение “Браќа Миладиновци“ направи изненадување со  доделување на  плакета со посвета за Гордана Димовска.

На промоцијата учествуваа и ученици од класот на Гордана и Весна Дамчевска кои рецитираа патриотски песни, пееја песна за Гоце.

Во дел од говорот, авторката рече: Македонската историја е како река која непрестајно тече, колку повеќе читаш, толку повеќе сакаш да знаеш и да се напојуваш со знаење. Македонската историја  е поголема и од нејзината територија. Таа е жива реалност од минатото и постои за да ја создаде иднината. Знаејќи ја историјата , полесно се планира иднината. Со знаење и мудрост, со голема почит едни кон други, со љубов кон Македонија да продолжиме со дела да ја градиме иднината на наредните поколенија и да го зацврстува нашиот идентитет како Македонци

Благодарност до Пецо Луканоски за изработување на дизајнот на книгата како и фотографиите за сцената од расказот

Книгата содржи научно историски записи, песни, расказ и осврт од издавачот.

Поткрепено од следниве спонзори:

Целе Петровски (contact Cele Petrovski:  www.facebook.com/digivideo.com.au)

Лидија Нешковска

Перо Веселинов

 Игор Павловски

Билјана Костова

Крис Ланговски