TAA

• Aвтор: Анте Поповски
• 
  
  Никојпат не е таа сама.
  Таа се две: онаа која бесконечно молчи
  и онаа која го слуша моето молчење.
  Никојпат не е таа сама.
  Таа се две: онаа која бесконечно чека
  и онаа која влегува во своето чекање.
  Никојпат не е таа сама.
  Таа се две: онаа што е распната
  и онаа која ги кове клинците врз себе.
  Оваа песна до бесконечности продожува
  зашто никојпат не е таа сама:
  сама се чита - сама се пишува
  Сама себеси врата - сама себеси клуч