Skip to main content

НАЈСПЕКТАКУЛАРНА МУМБА ПАРАДА ВО МЕЛБУРН



Како и секоја година така и оваа се со низа активности се одбележа Денот на трудот во Викторија. Денот на трудот е ден на победата на работникот да се избори за осум часа работен ден.

Во почетокот на 19 век, повеќето работници работеле 10- или 12-часа дневно и тоа во период од шест дена секоја недела. Од 1850 година работниците започнаа со силен притисок за подобри услови. Започнаа протести во 1855 година во Сиднеј а на  21 април 1856 година се одржа масовен протест и во Мелбурн а кој претставува и прв протест во светот кој ја постигна целта - осумчасовен работен ден. Одбележување на големата победа на работничкото движење односно државен празник е прогласен и во другите републики на Австралија. Во Јужна Австралија, Квинсленд, Нов Јужен Велс се прославува првиот понеделник во октомври,  Во Викторија и Тасманија, тоа е вториот понеделник во март. Во Западна Австралија, Денот на трудот е првиот понеделник во март. Во Северната Територија тоа е првиот понеделник во мај.


Круна на сите активности беше традиционалната парада во Мелбурн, наречена Мумба која секоја година предизвикува се поголем интерес меѓу посетителите. Целта на оваа парада е да се презентира во најубаво светло пулсирањето на градот и мултиетничкиот соживот. Оваа година може да се каже дека парадата ги надмина сите очекувања. Учествуваа 1800 луѓе од 42 различни асоцијации, танчерски групи, како и етничките здруженија на Индонезиската, Виетнамската, Кинеската, Јапонската, Карибската заедница. Противпожарната и спасувачка екипа на Мелбурн, Викторија, беше поздравена со аплаузи. Посебно внимание привлекоа креативните возила во вид на железничката станица и Arts Center, бродот на пиратите, автомобилите на Бетмен, Лудиот Макс и Враќање во иднината. Вистинска атракција и незаборавна филмска сцена која успеа да прикаже се она што нуди Мелбурн како град.
За жал Македонската заедница од Мелбурн не зеде учество на овој спектакуларен настан и покрај бројните културно уметнички друштва и асоцијации во Мелбурн.

 Macedonian timeline
Gordana Dimovska




























Comments

Post a Comment

Popular posts from this blog

МАКЕДОНСКИОТ ГЕНИЈ СО ГЛОБАЛЕН ПЕЧАТ ВО ФИЛМОТ

Филмот не е само приказна која ја гледаме тоа е огледало во кое човештвото се гледа и преиспитува.Филмот е молк што зборува светлина што боли а вистина што не се заборава. Еден добар филм не ти нуди одговор туку ти поставува прашање што не престанува да те следи.И за крај филмот е уметност да ја кажеш најтешката вистина и да ја претвориш во убавина - Симе Младеновски. MT – долго време сте во медиумскиот свет и постигнувате големи успеси, ве нарекуваат гениј, но како беше почетокот, како дојде до тоа да навлезете во филмската уметност? Симе - Македонскиот гениј со глобален печат во филмот.Се се ќ авам на деновите кога со трепет ги чекав неделните филмови на телевизија, a потоа и сам почнав да експериментирам со камера и монтажа. Се почна како хоби но потоа сфатив дека тоа ќе биде мојот животен пат  и идна моја професија.И така беше тоа е како некоја зависност која се повеќе те тера да креираш голем наплив на идеи имаш секогаш низ глава и секогаш си велиш оваа е најдобра, но не баш...
Post a Comment
Read more

КОЈ Е СЛАВЕ НИКОЛОВСКИ – КАТИН?

Пишува: ДУШАН РИСТЕВСКИ-МАКЕДОН Славе Николовски – Катин, ѝ е познат на македонската и на меѓу¬народната културна и научна јавност со многубројните публицистички и научни трудови посветени, главно, на животот на Македонците во светот, но и на низа други аспекти поврзани со дијаспората, како и со литературата, културата, религијата, науката… Тој е роден на 19 август 1941 година во Преспа. Осумгодишно училиште завршил во Љубојно, а средно техничко училиште, Геодетски отсек и Филолошки факултет, група Англиски јазик и книжевност во Скопје. Две години студираше и на Вишата геодетска школа во Белград ако студент, замина во Канада, каде што остана четири години. Во Торонто се школуваше во Интернационалниот институт за англиски јазик и литература „Раерсон”. Извесен период работеше како геодет и пројави активност во македонската колонија во Торонто. Еден мандат во 1978 година беше генерален секретар на Црковната управа при Македонската православна црква „Св. Климент Охридски” во Торонто. П...
Post a Comment
Read more

МАНАСТИРСКАТА ЦРКВА „СВ. АТАНАС“ И НЕЈЗИНОТО ЗНАЧЕЊЕ ЗА ЉУБОЈНО

ДЕЛ ОД ВИСТИНАТА ЗА ДОЛНА ПРЕСПА Покрај земјениот пат кој води од селото Љубојно кон црквата „Св. Петар и Павле“, на една височинка, се наоѓа црквата посветена на „Св. Атанасиј Велики“. Објектот претставува мала еднокорабна градба со тристрана апсида на исток и влез на западнат страна. Во поново време црквата е малтерисана. Сите преправки, според натписот врежан во малтерот над влезот од надворешната страна се направени во 1968 год.  Внатрешноста на црквата со олтарната преграда е поделена на наос и олтарен простор. Иконостасот со трите престолни икони се издига скоро до таванот. Иконите според натписите кои се наоѓаат на нив потекнуваат од 1929 година. Најважната содржина, со која го задржува вниманието црквата „Свети Атанас“, се остатоците на ѕидното сликарство врз источниот ѕид од олтарниот простор. Според стилските карактеристики како и според сочуваниот натпис ова сликарство потекнува од првите децении на 17 век.
1 comment
Read more