ФЕСТИВАЛ НА КНИГАТА ВО МИЛ ПАРК АВСТРАЛИЈА

Библиотеката во Мил Парк го одржа деветтиот по ред Саем на книгата наречен Booklovers festival. На овој фестивал свои дела претставија 39 автори меѓу кои беше поканета и Гордана Димовска, претседателката на литературното друштво “Кочо Рацин“ Мелбурн. Присутни беа и членовите на оваа Асоцијација, Христијана Марковска, Љупчо Столески, Стеван и Зора Ацески, а изложбата ја посетија и Никола Ставрески (од вебпорталот Фаланга), Нургул Озсој и други посетители од разни националности.

Книгата Патник по ѕвезденото македонско небо која е збир од раскази, песни, научно историски записи и легенди, Гордана ја претстави пред публиката со свој говор и читање на поемата Memories and tears на англиски јазик.

Настанот беше одлична прилика за авторите да воспостават контакти, да посетат и работилници организирани во текот на денот. Посетителите навистина уживаја во големиот избор на изложени дела а авторите беа задоволни од професионалната организација на библиотеката во Mill Park. Македонската Заедница треба да биде поактивна со присуство и поддршка на нашите автори кои ја користат секоја прилика да ја афирмираат македнската литература на двата јазици во Австралија.

Gordana's speech:

There are 7.5 billion people on our planet. Each one has a story; and with each conversation we take on somebody else’s story.
We gather information, over time we gather more and over time it becomes a part of our character; it becomes a part of our story.

МАКЕДОНСКИ КОД

Да застанеме во одбрана на македонскиот идентитет
Сите историски извори и напишани, матријални и усни, поврзани со етнологијата и лингвистиката народните традиции облека, музички инструменти, покуќнина и фолклорот ја обелоденуваат историската вистина во светлината на континуитетот на автентичен македонски идентитет низ вековите. “Многу ме погодуват незнаењето на македонските академици и политичари...Не знам дали ни е потребен македонски цар од било каде да знае да ја сака и да се бори за Македонија...па нека биде и Индијанец...Се борам со сите сили и духовни и физички..Света Богородица да ни помогне...Вербата поголема ми е во мудрата и храбра дијаспора, која со љубов е поврзана со Македонија“ - Ванѓелко Лозаноски
Александар Стојчев во „Отворено студио“ на ТВ НОВА на тема „За или против одбрана на македонизмот и македонскиот јазик изјавува:“Институциите молчат и тоа е понижувачко во однос на сите генерации што живееле и живеат на овие простори. Тие се оградуваат дека не е нивна работа да се вмешуваат во дневно-политички активности, иако се работи за историски проблем. Не можеме молкум да се откажеме од нешто што е наше и тоа е навредливо и за осуда. МАНУ е собир на врвни научни работници. Не можам да поверувам дека нема начин на кој тие можат да дејствуваат за одбрана на македонизмот“

ПРОМОЦИЈА НА ПАТНИК ПО ЅВЕЗДЕНОТО НЕБО ВО МАКЕДОНИЈА

"Свети Васарион"од Демир Хисар во соработка со ОУ "Живко Чинго" од Велгошти- Охрид во конаците на манастирот"Света Петка" на 8 јули,организираше промоции и поетски средби и читање. Се промовираше книгата "Патник по ѕвезденото македонско небо" од Гордана Димовска од Мелбурн-Австралија. Поздравното писмо од Гордана Димовска го прочита Соња Змејковска која беше и промотор на книгата. Професор Ванѓелко Лозановски го истакна значењето на пишаниот збор на Гордана Димовска, потсетувајќи не' на нејзината прва книга "Вечна светлина над Македонија" издадена од "Свети Висарион". Се промовираше и книгата "Магични кругови на душата" од Ѓоко Чинговски.Ученициод ОУ Живко Чинго" од Велгошти читаа од неговите стихови. Професор Ванѓелко Лозановски беше промотор на книгата "Копнежи сред соѕвездието"од Љубица Чифлигароска( Петреска ).Исто така учениците читаа извадоци од нејзината книга.

ОД ДРУГАТА СТРАНА НА РИДОТ

Автор: Живко Деспотоски
На Бранител - 2001

Виделино неизбистрена
дождовнице
полноќна,
не мати ги
водите на
два рида,
не гаснија жедта
во видот
замаглен.
Отворете го патот
О, вие нескротени
острозабни молњи!..
чекорите неуморно
да вјасаат,
низ врвулици
коренити
непроодни.

ГОРОСТАСНА УБАВИЦА

Автор: Живко Деспотоски

Ќе се нурнам

во длабочината
на бистрите
планински очи,
ќе ги превртам
сите спомени
на твојата
блажена убавина.
Ќе те прекрстам
во Горостасна убавица,
ќе ти ги накалемам,
сите месечеви
ѕвезди
на белите
растреперени
образи.