Како што истакнува во својата рецензија проф.д-р Марјан Јованов од Филозофскиот факултет при Унивезритетот “Свети Кирил и Методиј” во Скопје, со оваа монографија се остварува обид на светската мапа на културното наследство, како посебно поглавје, да се издвојат архитектонското наследство и урбанистичките решенија што зад себе ги оставило Античкото Македонско Кралство, почнувајќи од доцните фази на железното време, па сѐ до потпаѓањето под римска власт, а особено во периодот кога е на врвот на својата моќ и кога бележи најголема градежна активност. Шерденковска посебно го потенцира периодот од освојувачките походи на Александар Македонски и времето по неговата смрт, како време на севкупен процут на македонската култура, наука и уметност како посeбност во светски рамки, дотолку што би требало да се означат со терминот “Македонски период“.
- Посебно треба да се истакне дека, проблематиката на архитектурата, како и урбанизмот од античкитот перид во Македонија, досега многу малку се истражувани, во една ваква форма, односно едно комплетно дело, што се однесува само на посочената проблематика… сега се добиени цврсти, сигурни и експлицитни заклучни разгледувања, кои стануваат дел од нашата поширока научна и стручна мисла и придонесуваат за нејзиниот развој…
Овој труд претставува исклучително вреден придонес во развојот на научната мисла од областа на историјата на архитектурата, особено што истиот се однесува на античкиот македонски период, време кое досега скоро воопшто не е истражувано, посебно не во таков обем и низ една детална анализа... Сметаме дека книгата ќе наиде на позитивен одзив и исклучително голем интерес кај пошироката стручна јавност, која се занимава со архитектурата, историја на архитектурата и историја на уметноста, - нагласува меѓу другото проф.д-р Небојша Гаџиќ од Архитектонскиот факултет на Универзитетот во Белград.
Тој истакнува дека анализите, согледувањата и заклучоците од оваа монографија ќе станат незаобиколна литература, и неопходна материја, што студентите по археологија, историја на уметноста и архитектурата ќе мораат да ја совладаат. Со оваа монографија, посебно се поставува потребата низ едно уште посеопфатно истражување да се верификува овој период и севкупната архитектура на античките Македонци, на светско ниво, со сосема заслужениот термин - античка македонска архитектура и урбанизам, односно античка македонска култура, како што е подвлечено во една од рецензиите за монографијата.
Професорот Гаџиќ нагласува дека монографијата е важна не само за истражувачите и институциите што се занимаваат со архитектонско наследство, туку и за општата, поширока читателска публика, бидејќи предметот што се покрива има силна културна и национална компонента. Со тоа, и оваа монографија се вбројува меѓу изданијата на “Матица македонска“ што треба да ги има во секој дом, но и на полиците на сите специјализирани и референтни библиотеки во светот.Во истражувањето што резултира со оваа монографија, главниот метод применет од Меланија Шерденковска е комп аративната анализата, што со оглед на темата која е обработувана, е оценета и како најсоодветен метод. Применет е и историскиот метод, низ еден конкретна анализа на развојот на архитектурата и урбанзимот во античка Македонија, како и историските прилики низ кои таа се развива, како и методот на синтеза низ кој се поставени општите карактеристики на античката македонска архтиектура и урбанизам, но и крајните согледувања. Користен е и методот на директно мерење - утврдување на опипливи, видливи елементи, за да се утврдат и објаснат архитектонските орми, како и величините.Авторката на монографијата, Меланија Шерденковска е доктор на науки, а вработена е на Архитектонскиот факултет при Универзитетот “Свети Кирил и Методиј” во Скопје, од 1986 година, најпрво како асистент професор, а од 1997 година е раководителка на Библиотеката на Факултетот. Авторка е на неколку повикани и отворени архитектонски конкурси, како и на повеќе проекти за ентериер. Се истакнува како авторка на поголем број трудови објавени во стручни и научни списанија и учесничка е на повеќе меѓународни конференции. Во нејзината научна работа посебно место заземаат долгогодишните истражувања и тезите сублимирани во докторската дисертација “Мијачко станбено градителство - потекло, развој и дострели“, што во малку изменета форма се објавени во книга со истиот наслов, во издание на “Матица македонска“.
Пишува: СЛАВЕ КАТИН
Comments
Post a Comment