ПРОМОЦИЈА НА ДВЕ КНИГИ ОД ИВАН ТРПОСКИ

Промоција на книги во Сиднеј

На 14 март во просториите на Македонскиот културен центар „Илинден“ во населбата Рогдаел (Сиднеј), Македонското литературно друштво „Григор Прличев“ од Сиднеј ја одржа промоцијата на книгите: Од архивата на Македонското литературно друштво „Григор Прличев“ и "Исповед кон мајка ми Љуба" од интернационално признатиот писател, поет и публицист ИВАН ТРПОСКИ.

На промоцијата присуствуваа стотина посетители, љубители на пишаниот збор од градовите Сиднеј, Вулунгонг и Њукастел. Поздравна реч даде претседателот на МЛД „Григор Прличев“ Душан Ристевски кој исто ги запозна присутните со животот и делото на поетот Трпоски. Потоа професорката Катарина Ципушева даде опсижен извештај за вредноста на двете дела кои се од огромна вредност за македонската литература во Дијаспората и Македонија.

Првото издание на Од архивата на Македонското литературно друштво „Григор Прличев“ се објави во 2023 година по повод 45 годишницата на МЛД „Григор Прличев“ и истата се промовира во МАНУ од претседсателот на истата установа академик проф. д-р Љупчо Коцарев и проф. д-р Елка Јачева Улчар.

На 660 страници авторот Трпоски презентира богат архивски материјал за работата на Друштвото и истиот макотрпно го собираше и работеше повеќе од четири децении. Промовираното дело во Сиднеј беше второ дополнително издание и истото финансирано од повеќе организации, членови на Друштвото и помагатели – љубители на македонската литература и култура од Сиднеј.

Автобиографското дело Исповед кон мајка ми Љуба се издаде минатата година од Друштвото „Григор Прличев“ со финансиска поткрепа на семејството Трпоски. Истото се промовира минатата година во Охрид во НУБ „Григор Прличев“ од проф. д-р Виолета Ачкоска. Книгата е посветена на мајката на Иван, Љуба, и е двојазично издание кое обилува со семејни фотографии.

Преводот на англиски јазик е на Ристо Стефов од Канада. По повод промоцијата, авторот Трпоски и Литературното друштво, добија

посебни честитки од претседателот на Република Македонија Гордана Силјановска-Давкова, директорот на агенцијата за иселеништво од Македонија, Горан Ангелов, Живко Грозданоски, претседател на ДПМ, Марјан Гијовски, од Државниот архив на Македонија, директорот на НУБ „Григор Прличев“ од Охрид, Христина Трпеска, професор Виолета Ачкоска, претседателот на Литературното друштво „Кочо Рацин“ од Мелбурн, Гордана Димовска, долгогодишните соработници и новинари Фиданка Танаскова, Славе Николовски Катин, Оливера Јовановска, Милчо Јованоски. Исто така се добија честитки и од премиерот на НЈВ Chris Minns и министерот за мултикултура во НЈВ, Steve Kamper .

Инаку, Трпоски членува во Литературното друштво „Григор Прличев“ од самиотпочеток каде е и прогласен за почесен член. Покрај тоа што завзема функција на Библиотекар и Архивар, тој е во редакцијата на списанието „Повод“ кое елeктронски се издава повеќе години. Тој е исто член во Друштвото на писатели на Македонија и во Друштвото на новинари на Македонија.

Покрај тоа што е застапен во повеќе антологии и зборници во Австралија, Америка и Македонија, Трпоски е автор на повеќе поетски и прозни дела како: „Површински корења“, „Големиот брод“, „Оковано море“, „Преселба на запад“, поемата „Тодорка“, „Свитило“, „Меѓу две огништа“, „Немирни ветрови“, „Љубовна имагинација“, „Зад синиот бран“, „Угрејсонце во мојот сон“ (на македонски и англиски јазик), на патeписите: „По патот на сонцето во

Македонија“ и „Македонија моја татковина“. Исто така тој е автор на книгата „Македонски демонстрации во Австралија“ и на биографскиот запис „Спасе Трпоски – живот и дело“, книгата со записи „Македонија не те заборавме“, автобиографијата „Ова е мојот живот“ и на двете горенаведени книги. Трпоски е наградуван повеќе пати за својата литературна дејност како со

Иселеничка Грамота од Матицата на Иселениците од Македонија, наградата „Стојан Христов“ од СВП и Златен клас за македонски вознес од Пелагониските културни средби од Битолското НД. За општествена дејност во Дијаспората од претседателот на Република Македонија Ѓорѓе Иванов доби Медал за заслуга за Македонија, медал за животно дело од Обединета македонска дијаспора, Александар Македонски за култура и уметност од македонскиот театар од Сиднеј и др. Исто е наградуван од македонски и австралиски институции со повеќе награди и признанија за неговото многудецениско работење во промовирање на македонскиот јазик и култура во Австралија.

Д.Р. Македон

Фотографии од настанот: