"ИНАЕТЧИЈАТА ЈОВ" ПРОМОВИРАН ВО ВЕЛЕС

Најновиот роман на Нове Младеновски "Инаетчијата Јов" беше промовиран на 13/10/2019 во Велес.

Во присуство на многубројната публика авторот имаше свое излагање и рече:  

"Во оваа моја најнова новела или краток роман како фундаментална тема на приказната е земна болеста рак. Ракот е сериозно заболување со, најчесто, фатални последици. Заболување кое ги предизвикува најголемите умови од современите медицински и биолошки науки непрекинато да трагаат по одговори и методи на лечење. Пред себе имаат подмолна, недофатлива и во многу нешта се уште таинственам болест.

Не ретко, ќе се расчуе за некоја нова терапија или ефикасен лек со мерливи ветувачки резултати. Подоцна,  ќе спласне оптимизмот – болеста нашла начин да се заштити преку мутирање на заболените клетки.

Ние обичните смртници, најчесто преплашени до сржта, слушаме за статистиката (лекарска прогноза) за прживување да речеме 50%, 20%, 10%, 5% или во нај неповолен случај 1%. Токму овој 1% или попросто кажано “еден од сто“ е темата сместена во позадината на оваа современа приказна за Јов. Кој е тој едниот, избраниот, или среќникот што од тие 100 ќе преживее?  Дали е тоа начинот на живот, психологијата на личноста или Господ така одредил?. ВО новелата се дебатира по овие појдовни точки без да се нуди еднозначен одговор. Многу едноставни а во исто време многу комплексни и интегрални дилеми.

Еден од можните одговори како да се преживее лечењето на ракот и како подоцна да се живее со сознанието за реалниот ризик од повторување на ракот е распослан низ целава новела. Ракот е во човекот. Целава приказна за оваа опасна и комплексна болест е одсликана преку една човечка судбина. За приказната да има уверливост, човечки допир и разбирливост на главниот јунак Јов, му подарив или придружив дел од  мојот живот – мојата афтобиографија.

Современиот Јов, како еден вид паралела со оној Јов од Библијата, води лична борба со оваа болест. Нерамноправна борба, обременета со внатрешни трауми, стравови и неизвесности до крајот на животот - елементи кои се на спротивната страна од радоста, среќата и убавината на секојдневниот човечки живот. Нашиот Јов е олицетворение на жилавоста на животот на потребата да се создаде семејство, да се живее и да му се радува на животот.

Романот во најголем дел е автобиогравски, иако не содржи одговор дали постои еднаквост помеѓу ликот на Јов и самиот автор. Одговорот е ирелевантен за приказната и затоа е испуштен.

Подсвесниот страв од повторно појавување на болеста е мотивацијската сила што Јов го гони до крајот на животот да биде “нормален“ како останатите луѓе. Ова книга не е рецепт за преживување, меѓутоа може да биде рецепт за оптимизам, за верба и за надеж. Животот е еден и неповторлив. Радоста како состојба на духот не ги решава сите проблеми меѓутоа на животот му дава пријатен вкус затоа радоста негувајте ја непрекинато и практикувајте ја кога можете.

Нове Младеновски

Велес, 13.10.2019

Не обединува љубовта кон пишаниот збор и магијата на творештвото.

     Посебна благодарност до проф. Тоциновски, Виолета Сековска и главната домаќинка Јасмина Георгиева а и до сите членови на Литературниот клуб Коста Солев Рацин.

-        Имаме подршка и од Стевче Стојковски, првиот кавал во Република Македонија, хармоникашаот Душко.

 Следува промоција на романот во Мелбурн, јануари 2020.

Честитки до авторот и уште многу успешни дела во наредните години.

-         Macedonian timeline