Skip to main content

ПРОМОВИРАНА НОВАТА КНИГА “ОДБЛЕСОЦИ НА ВЕЛГОШТИ И СВЕТА ПЕТКА“


И како што најавуваме за новото дело во македонската книжевност, на 20 декемри, се промовира книгата “Одблесоци на Велгошти и манастирот Света Петка.“ Промоцијата се одржа во училиштето Живко Чинго во Велгошти во присуство на голем број љубители на пишаниот збор. Присутните со посебна радост ја следеа промоцијта на едно вакво дело кое открива важни детали од нашата историја, податоци за Велгошти и постоењето на црквата Света Петка која претставува светилиште и заштитник на селото Велгошти. Промотори на книгата беа Ана Калајџиевска и Љубица Чифлигароска. 
Во вториот дел пристутните ги проследија настапите со свои песни на Ленче Ристеска, Жаклина Ристовска, Ване Лозаноски и други. Исто така беа прочитани и песни од наши соработници, поети, писатели од дијаспората,Рада Видиновска, Гордана Димовска, Марија Црвенкоска. Им благодариме на учениците при училиштето Живко Чинго за поетското читање со што допринесоа во успешното презентирање на нашите песни и дела.
Настанот го следеше и телевизиската екипа на ТВМ.

Ванѓелко Лозаноски

Прилог објавен и на ТВМ

„Одблесоците на Велгошти и манастирот Св. Петка“, запис за минатото и сегашноста
Убавината на манастирот Св. Петка во Велгошти кој се издигнува како пуст остров во море од зеленило, историското минато на ова живописно село и прекрасната панорама на градот Охрид која се протега од дворот на црквата и ти го одзема здивот, се причините што Ванѓелко Лозаноски пред речиси две години започнал да го пишува делото „Одблесоците на Велгошти и манастирот Св. Петка“. Ретко во историјата на Македонија имало вакво поврзување на еден манастир и местото каде тој се наоѓа. Велгошти, велгоштани и манастирот Св. Петка имаат нераскинлива врска со векови наназад. Доколку велгоштанец се заколне во Св. Петка тоа е закон дека ќе ја исполни заклетвата, вели авторо Ванѓелко Лозаноски. За ова дело да ја види светлината на денот авторот Лозаноски имал помош од повеќе соработници. Коавторот Љубица Чифлигароска вели дека идејата за да се создаде оваа книга тлеела од поодамна и чекала погоден момент за реализација. И коавторот Ленче Трајаноска Николоска не ја крие среќата што е дел од овој проект. Јас сум велгоштанка и точно го знам значењето на овој манастир за мештаните и селото. Тоа е нешто што тешко се опишува со зборови, вели Николоска. Инаку, планирано е во текот на месец февруари да се издаде уште едно дополнето издание бидејќи има уште многу материјали и за селото и за манастирот кои не се објавени во ова дело. (ТВМ)

Мacedonian Timeline
Gordana Dimovska
Labels:

Comments

Post a Comment

Popular posts from this blog

МАКЕДОНСКИОТ ГЕНИЈ СО ГЛОБАЛЕН ПЕЧАТ ВО ФИЛМОТ

Филмот не е само приказна која ја гледаме тоа е огледало во кое човештвото се гледа и преиспитува.Филмот е молк што зборува светлина што боли а вистина што не се заборава. Еден добар филм не ти нуди одговор туку ти поставува прашање што не престанува да те следи.И за крај филмот е уметност да ја кажеш најтешката вистина и да ја претвориш во убавина - Симе Младеновски. MT – долго време сте во медиумскиот свет и постигнувате големи успеси, ве нарекуваат гениј, но како беше почетокот, како дојде до тоа да навлезете во филмската уметност? Симе - Македонскиот гениј со глобален печат во филмот.Се се ќ авам на деновите кога со трепет ги чекав неделните филмови на телевизија, a потоа и сам почнав да експериментирам со камера и монтажа. Се почна како хоби но потоа сфатив дека тоа ќе биде мојот животен пат  и идна моја професија.И така беше тоа е како некоја зависност која се повеќе те тера да креираш голем наплив на идеи имаш секогаш низ глава и секогаш си велиш оваа е најдобра, но не баш...
Post a Comment
Read more

ПРОДУЦЕНТОТ СИМЕ МЛАДЕНОВСКИ - КРЕАТИВНОСТ И ВИЗИЈА

MT -  Еве следува разговор со истакнатиот продуцент, режисер, Тв водител, Симе Младеновски.   МТ - Секогаш сте активни на сите полиња, верувам имате веќе и и некои нови планови, кажете ни нешто за тоа. Симе -   Во тек е работа на нови документарни филмови за специјални природни и културни локации во Македонија, со амбиција за учество на престижни меѓународни фестивали и номинации за Оскар Се разгледуваат копродукции и соработки за играни филмови во Србија, Аргентина и САД, како и нови сезони на „Лица и дела“ и проширување на манифестацијата „Сплоти се Македонијо“. Симе Младеновски е визионерски продуцент и режисер чија кариера ги опфаќа и телевизиските интервјуа, и документарните епоси, и меѓународните соработки. Неговиот непрекинат труд, признанија и амбиции го поставуваат меѓу најзначајните медиумски творци во современа Македонија.
Post a Comment
Read more

ИЗЛЕЗЕ ОД ПЕЧАТ СПИСАНИЕТО „ПОВОД 75“ - ОГЛЕДАЛО НА МЛД “ГРИГОР ПРЛИЧЕВ“ ОД СИДНЕЈ

Списанието „Повод“ бр. 75  за јануари 2026 година, наменето за литература и култура, се појави во печатена и во електронска форма, двојазично, со цел тоа успешно да го промовира македонскиот јазик, литература, култура и македонската заедница во демократска и мултикултурна Австралија. Списанието е еден вид огледало на МЛД „Григор Прличев“ и е посветено на постигнувањата на македонските иселеници. Иаку, друштвото „Григор Прличев“.новиот број на списанието „Повод“ го збогати со поетски содржини посветeни на дедовските корени во Македонија, за кои пишуваат со големи чувства и силна љубов, какви што можат да се сретнат  кај македонските иселеници во светот.  Списанието „Повод“ е посветено на животот и делото на Наум Трајчески. Кој е роден 1952 година во село Издеглавје, Охридско. Од 1977 година живее во Австралија. Основач е на Македонското литературно друштво ,,Ванчо Николески“ од Квинбијан, Нов Јужен Велс. Наум неуморно работи на промовирањето на македонскиот збор преку одрж...
Post a Comment
Read more