Војдан Поп Георгиев- Чернодрински (роден во село Селци,
Дебар во 1875 година) е првиот македонски драмски автор во чии дела прозвучи
мајчиниот, македонски, јазик. Тој бил доста коректен кон македонскиот јазик и
еден од основните критериуми за членство на актери во неговата драмска група
било солидно познавање на македонскиот јазик. Сите негови драмски дела
обработуваат теми и проблеми од секојдневниот живот на македонците и борбата за
слобода.
Во 1929 година, Војдан Поп Георгиев отишол во посета на еден
дом за сираци каде им подарил примероци од својата драма Македонска крвава
свадба издадена во 1900). По тој повод, Војдан изјавил:
Се надевам дека по прочитувањето на книгава секој питомец
добро ќе го запомни прочитаното и никогаш не ќе го заборави јазикот на кој е
напишана, јазикот на кој зборувале неговите прадедовци, родители и роднини и на
кој ќе зборуваат и покрај физичкиот и морален терор на сегашните поробители на
татковината Македонија, сите идни поколенија што ќе ја населуваат оваа света
земја.
Macedoniantimeline.blogspot.com.au
No comments:
Post a Comment