Skip to main content

МЛД "KОЧО РАЦИН" - САЕМ НА КНИГАТА ВО ЧЕСТ НА СВ. КИРИЛ И МЕТОДИЈ

ЧЕСТВУВАЊЕ НА СВ. КИРИЛ И МЕТОДИЈ ВО АВСТРАЛИЈА
Македонското литературно друштво ‘Кочо Рацин’ од Мелбурн организира Саем на книгата под мотото “Со љубов кон македонскиот јазик“.  Беа изложени македонски книги, романи, историја, поезија и детска литература. На Саемот присуствуваа градоначалникот на Општината Витлси, Стеван Козмевски, Мери Лалиос од Општината Витлси, Ацо Талевски, истакнат активист во Македонската заедница, Маргарита Василева, Игор Павловски. Програмата започна со рецитирање на поемата Денови на англиски со Гордана Димовска и на Македонски со Крсте Наумовски Мечкар. Специјално за овој Саем од Камбера допатува и Доне Димов кој раскажа за егзодусот, како дете бегалец во Граѓанската војна во Грција. Следуваше рецитирање на детски песни со Шана Јовановска која ги воодушеви присутните со совршеното читање на поеми на македонски јазик,  а потоа писателите и поети  Кочо Крушорати, Нове Младеновски, Виолета Јовановска, Крсте Наумовски Мечкар, Љубица Поповска, Вера Горгиева, Стеван  Ацески, прочитаа дел од своите творештво.
Во детската работилница, децата со голем интерес ги изучуваа македонските букви преку боење и пишување за потоа да ги претстават пред публиката. Градоначалникот Козмевски, ја поздрави иницијативата и ги охрабри членовите да продолжат со вакви активности и дека на овој ден тој се почувствувал многу горд и дознал многу повеќе за македонскиот јазик. Мери Лалиос исто така ја поздрави иницијативата и укажа на важноста од одржување на вакви манифестации а се заложи да помогне за поставување на книги од македонските автори во библиотеките.  Претседателката на МЛД Кочо Рацин, Гордана Димовска во своето обраќање рече: “Почитувани, го одржуваме овој Саем на книгата во пресрет на  големиот празник на македонските просветители, учители, Св. Кирил и Методиј. Јазикот и писмото се огледало на човековата душа, светлина која сее знаење и мудрост, чувство на припадност кон еден народ. Денес сме тука да се потсетиме на величенствената мисија на Св Кирил и Методиј кои го просветија народот создавајќи ја првата азбука со што тие внесоа светлина во помраченоста на народот кој не познаваше туѓи писма а свои немаше. Од семето што го посееја, денес го жнееме најубавиот плод, македонскиот јазик, македонската развиена книжевност. Да продложиме по патот на светлината со силна љубов и силна афирмација на македонскиот јазик и писмо, кое ни го дадоја и за кое се жртвуваа нашите претци. Нека ни е честит Св. Кирил и Методиј“..

 Посебна благодарност до медиумите: SBS радио, Маргарита Василева, Виолета Јовановска, Радио Илинден Мелбурн, Игор Павловски (АМН, Денес), Plenty Valley Блага Петреска, 3zzz Васко Ангеловски.








Comments

Post a Comment

Popular posts from this blog

МАНАСТИРСКАТА ЦРКВА „СВ. АТАНАС“ И НЕЈЗИНОТО ЗНАЧЕЊЕ ЗА ЉУБОЈНО

ДЕЛ ОД ВИСТИНАТА ЗА ДОЛНА ПРЕСПА Покрај земјениот пат кој води од селото Љубојно кон црквата „Св. Петар и Павле“, на една височинка, се наоѓа црквата посветена на „Св. Атанасиј Велики“. Објектот претставува мала еднокорабна градба со тристрана апсида на исток и влез на западнат страна. Во поново време црквата е малтерисана. Сите преправки, според натписот врежан во малтерот над влезот од надворешната страна се направени во 1968 год.  Внатрешноста на црквата со олтарната преграда е поделена на наос и олтарен простор. Иконостасот со трите престолни икони се издига скоро до таванот. Иконите според натписите кои се наоѓаат на нив потекнуваат од 1929 година. Најважната содржина, со која го задржува вниманието црквата „Свети Атанас“, се остатоците на ѕидното сликарство врз источниот ѕид од олтарниот простор. Според стилските карактеристики како и според сочуваниот натпис ова сликарство потекнува од првите децении на 17 век.
1 comment
Read more

КОЈ Е СЛАВЕ НИКОЛОВСКИ – КАТИН?

Пишува: ДУШАН РИСТЕВСКИ-МАКЕДОН Славе Николовски – Катин, ѝ е познат на македонската и на меѓу¬народната културна и научна јавност со многубројните публицистички и научни трудови посветени, главно, на животот на Македонците во светот, но и на низа други аспекти поврзани со дијаспората, како и со литературата, културата, религијата, науката… Тој е роден на 19 август 1941 година во Преспа. Осумгодишно училиште завршил во Љубојно, а средно техничко училиште, Геодетски отсек и Филолошки факултет, група Англиски јазик и книжевност во Скопје. Две години студираше и на Вишата геодетска школа во Белград ако студент, замина во Канада, каде што остана четири години. Во Торонто се школуваше во Интернационалниот институт за англиски јазик и литература „Раерсон”. Извесен период работеше како геодет и пројави активност во македонската колонија во Торонто. Еден мандат во 1978 година беше генерален секретар на Црковната управа при Македонската православна црква „Св. Климент Охридски” во Торонто. П...
Post a Comment
Read more

Ensemble of Folk Instruments and Songs "Stefce Stojkovski" - keep Macedonian tradition alive

The Macedonian traditional music and dance seminar, which has my name as a brand, is known on the world music scene, traditional folklore festivals, at the departments of world-famous universities in ethnomusicology, ethnochoreology, musicology, folklore studies and beyond. The need for organizing such a seminar as well as the significance of the existence of such a seminar are enormous for us Macedonians. Namely, through this seminar, which is being organized for the 19th time, the general public is introduced to Macedonian musical traditions, the playing of original and classical instruments, Macedonian songs and dances, the styles and manner of playing, singing and dancing are studied. The seminar is organized for beginners, connoisseurs and more advanced amateur or professional level of participants. The seminar is organized by the members of the ensemble, and the lecturers are prominent and renowned amateurs and professionals in the field of folklore. All visitors who register ar...
Post a Comment
Read more