СЕКОГАШ СО НАДЕЖ

Во тивкото предвечерие

И одот ти забавил

 мислите како олово тешки

ја исполниле твојата глава.

Продолжи да одиш, да чекориш смело

И ѕвездите горе, твоите другарки во ноќта

Го следат твојот чекор и прават патека

која ти замислена не ја ни гледаш

се бориш самата со себе

мракот кој те опфатил и те мачи.

Не ја угушувај радоста затоа што некој те ранил

надежта е тука, тлее но силно ќе се разгори

и ти ќе ја оствариш големата желба

мрачните мисли се само мисли

избриши ги, отвори нови хоризонити

поведи ги сите на твојот нов пат

во доброто и злото умира,

љубовта победува.

Љубовта е твоја водилка

И те следи како ѕвездите, твоите другарки.

Не запирај во тивкото предвечерие

Отвори го твоето срце,
 широко како море
Запиши страница нова.

Не дозволи никој да ја одземе 

твојата доблест и убавина, твојот мир
Продолжи да чекориш смело.

There is always hope - Author: Gordana Dimovska
Секогаш со надеж - Автор: Гордана Димовска

Macedonian timeline