МАКЕДОНСКИОТ ТЕАТАР МЕЛБУРН СО НОВА ДРАМА

Македонскиот театар од Мелбурн, минатата Сабота на 29 септември во Neret Reception, премиерно ја прикажа комедијата “Шест дена работи, седмиот одморај“од Весна Куслеска. Беше одлично прифатена од публиката за што придонесоа актерите со одлично изведените улоги. Жените (сите љубовници на кројачот Перо) ги носат имињата на деновите од неделата, и доаѓаат во погрешен ден при што настанува и забуна. Секоја со своја животна приказна и ранг во општеството или како што си се замислила дека е. Се заврзуваат во силни разговори, напади една на друга, споредувања, но и припреми за закоп на “мртвото тело“на Перо. Притоа сите тие си раскажуваат како го сретнале и колку добро го познавале Перо и постојано се препираат како да го облечат.

Цело време се мачат да откријат која е личноста наречена Недела која навистина ги интригира сите се додека не влезе во собата кон крајот на драмата и сите се затекнати од тоа што ќе видат.

Убава комедија која ги насмеа присутните и МТМ успешно работи на тоа да претстави барем по една драма годишно на Македонски јазик во некои од театрите или рецепциони сали во Австралија.

Треба да се поддржат нивните напори и да се помогне неговото опстојување со цел и понатаму да се одржуваат културни настани од ваков вид, потребни за македонската публика.

Во улогите на драмата беа застапени: Дона Димовски Кантаровски (директор на театарот), Мери Бонева, Елена Станкоски, Мирјана Велјановска Симјановска, Татјана Пишмановска, Соња Стојановска, Слободан Андоноски, Том Кантаровски.

По завршувањето на драмата следуваше богата забава со Show band Fontana (Стивен Најдовски и Том Кантаровски) со гостинката од Сиднеј, Соња Динамит.

Photos from the new drama by the MTM (theatre) - "Work Six Days, Rest on the Seventh"

Macedonian timeline

Comments

МАКЕДОНСКИОТ ГЕНИЈ СО ГЛОБАЛЕН ПЕЧАТ ВО ФИЛМОТ

Филмот не е само приказна која ја гледаме тоа е огледало во кое човештвото се гледа и преиспитува.Филмот е молк што зборува светлина што боли а вистина што не се заборава. Еден добар филм не ти нуди одговор туку ти поставува прашање што не престанува да те следи.И за крај филмот е уметност да ја кажеш најтешката вистина и да ја претвориш во убавина - Симе Младеновски. MT – долго време сте во медиумскиот свет и постигнувате големи успеси, ве нарекуваат гениј, но како беше почетокот, како дојде до тоа да навлезете во филмската уметност? Симе - Македонскиот гениј со глобален печат во филмот.Се се ќ авам на деновите кога со трепет ги чекав неделните филмови на телевизија, a потоа и сам почнав да експериментирам со камера и монтажа. Се почна како хоби но потоа сфатив дека тоа ќе биде мојот животен пат и идна моја професија.И така беше тоа е како некоја зависност која се повеќе те тера да креираш голем наплив на идеи имаш секогаш низ глава и секогаш си велиш оваа е најдобра, но не баш...

МАНАСТИРСКАТА ЦРКВА „СВ. АТАНАС“ И НЕЈЗИНОТО ЗНАЧЕЊЕ ЗА ЉУБОЈНО

ДЕЛ ОД ВИСТИНАТА ЗА ДОЛНА ПРЕСПА Покрај земјениот пат кој води од селото Љубојно кон црквата „Св. Петар и Павле“, на една височинка, се наоѓа црквата посветена на „Св. Атанасиј Велики“. Објектот претставува мала еднокорабна градба со тристрана апсида на исток и влез на западнат страна. Во поново време црквата е малтерисана. Сите преправки, според натписот врежан во малтерот над влезот од надворешната страна се направени во 1968 год. Внатрешноста на црквата со олтарната преграда е поделена на наос и олтарен простор. Иконостасот со трите престолни икони се издига скоро до таванот. Иконите според натписите кои се наоѓаат на нив потекнуваат од 1929 година. Најважната содржина, со која го задржува вниманието црквата „Свети Атанас“, се остатоците на ѕидното сликарство врз источниот ѕид од олтарниот простор. Според стилските карактеристики како и според сочуваниот натпис ова сликарство потекнува од првите децении на 17 век.

ИЗЛЕЗЕ ОД ПЕЧАТ СПИСАНИЕТО „ПОВОД 75“ - ОГЛЕДАЛО НА МЛД “ГРИГОР ПРЛИЧЕВ“ ОД СИДНЕЈ

Списанието „Повод“ бр. 75 за јануари 2026 година, наменето за литература и култура, се појави во печатена и во електронска форма, двојазично, со цел тоа успешно да го промовира македонскиот јазик, литература, култура и македонската заедница во демократска и мултикултурна Австралија. Списанието е еден вид огледало на МЛД „Григор Прличев“ и е посветено на постигнувањата на македонските иселеници. Иаку, друштвото „Григор Прличев“.новиот број на списанието „Повод“ го збогати со поетски содржини посветeни на дедовските корени во Македонија, за кои пишуваат со големи чувства и силна љубов, какви што можат да се сретнат кај македонските иселеници во светот. Списанието „Повод“ е посветено на животот и делото на Наум Трајчески. Кој е роден 1952 година во село Издеглавје, Охридско. Од 1977 година живее во Австралија. Основач е на Македонското литературно друштво ,,Ванчо Николески“ од Квинбијан, Нов Јужен Велс. Наум неуморно работи на промовирањето на македонскиот збор преку одрж...

Macedonian Timeline Australia

Search This Blog