Skip to main content

ПРЕМИЕРА НА ТЕАТАРСКАТА ПРОДУКЦИЈА БАБА БЕГАЛКА ВО СИДНЕЈ

Минатата недела на 3 ноември во театарот St George Bank Auditorium во Когра (предградие на Сиднеј), Австралиско македонскиот театар од Сиднеј со австралискиот хор Georges River Voices успешно на сцена ја постави двојазичната музичка комедија „Баба бегалка“ од драматургот Душан Ристевски. Режијата беше на Душан Ристевски и Лара Мабеи, а музички директор и аражманот на хорските песни беше на Мари Ле Брун.
 Македонската и австралјанската публика имаа можност да видат една квалитетна двојазична продукција: драма пропратена со традиционални македонски песни во хорска изведба.
Не само квалитетот што беше на високо ниво туку и се види иноваторството кое се одвиваше на сцената како сплет на некоја добра орска кореографија. Преку комичните сцени, авторот успеа не само да не насмее туку и да ни пренесе некои важни пораки од животот на сите тие што се наоѓаа на сцена (на луѓето од одминатите години) преку изведбата, дијалогот и наративот на Хелен, директорката на домот за старци. Ова беше една грандиозна театарска изведба со екипа од 24 уметници, прикажана со голема страст со врвни актери и хорска изведба на Georges River Voices. Се потврди она што се рекламираше дека драмата Баба бегалка е оригинална музичка театарска изведба преку која се експлоатираат аспектите на животот во старски дом, животот и љубовта во изминатите години на животот.


Покрај тоа што повеќето од улогите ги толкуваа Македонци, некои улоги покрај хорската изведба им беа доделени и на Австралјанци кои така умешно се вкломија со македонскиот тим. Хорската изведба на „Јовано Јованке“, „Македонско девојче“ „Не се бели Маре море“ ја воодушеви публиката, поготово што изведбата беше од австралјанци кои покажаа дека она што е убаво треба да се негува. Целата хорска и театарска изведбата беше на високо ниво, посебно водена од актерите Лара Мабеи, Јаворка Котевска, Никола Апостоловски и на помладите Антонио Нешковски и Стефани Тодоровски како и на дебитантите Рубин Нешковски и Елена Домазетовска. Покрај нив другите улоги ги толкуваа Дана Сампат, Сали Билијамс, Гоце Јовановски, Александар Стојковски, Спасија Огненовска, Стефан Нешковски, Сара Хајд, Сандра Шилсон, Аманда Лу, Ингрид Гелисен, Македонка Наневска, Карен Винцент Спенса, Розмари Купа, Лаура Харта, Сузан Милгат, Ѓорѓи Стојчевски, Тоде Пашовски, како и кучето Ахил.

Како што сум информиран од Театарот, вечерта публиката го искажа својот глас и за најдобар актер ја избра Јаворка Котевска која ќе го добие признанието Александар Македонски за глума. Честитки до Јаворка и сите членови на двата тимови како и на авторот Душан Ристевски кој заедно со Лара Мабеи дебитираа со режијата и покажаа дека ваквите соработки можат да дадат врвни плодови на македонскиот културен план во македонската заедница во Австралија.

Театарот до последно место беше исполнет и поради побарувачката на публиката, Театарот одлучи драмата повторно да ја прикаже на 1 декември со почеток во 5 часот во театар St George Bank Auditorium во Когра. Убаво е да се спомне дека на театарската претстава на местото на градоначалникот на Georges River City Council присуствуваше градскиот советник Луи Коњарски, кој е од македонско потекло.
Иван Трпоски
Last week on 3 of November at the St George Bank Auditorium in Kogra, Sydney, the Australian Macedonian Theater of Sydney with the Australian choir Georges River Voices successfully staged the bilingual musical comedy "Grandma elopes" playwritten by Dushan Ristevski. The comedy is directed by Dusan Ristevski and Lara Mabei, music director and arrangement of the songs was done by Marie Le Brun.

Macedonian and Australian audiences had the opportunity to see a quality bilingual production: a play accompanied by traditional Macedonian songs in choral performance. Due to it's popularity and audience demand, the Theater decided to show the play again on 1 st of December at 5 pm at St George Bank Auditorium Theater in Kogаrah. It is good to mention that the theater performance at the Georges River City Council was attended by city councilor Louis Konjarski, who is of Macedonian descent. See you there...
Повеќе фотографии:



Labels:

Comments

Post a Comment

Popular posts from this blog

МАНАСТИРСКАТА ЦРКВА „СВ. АТАНАС“ И НЕЈЗИНОТО ЗНАЧЕЊЕ ЗА ЉУБОЈНО

ДЕЛ ОД ВИСТИНАТА ЗА ДОЛНА ПРЕСПА Покрај земјениот пат кој води од селото Љубојно кон црквата „Св. Петар и Павле“, на една височинка, се наоѓа црквата посветена на „Св. Атанасиј Велики“. Објектот претставува мала еднокорабна градба со тристрана апсида на исток и влез на западнат страна. Во поново време црквата е малтерисана. Сите преправки, според натписот врежан во малтерот над влезот од надворешната страна се направени во 1968 год.  Внатрешноста на црквата со олтарната преграда е поделена на наос и олтарен простор. Иконостасот со трите престолни икони се издига скоро до таванот. Иконите според натписите кои се наоѓаат на нив потекнуваат од 1929 година. Најважната содржина, со која го задржува вниманието црквата „Свети Атанас“, се остатоците на ѕидното сликарство врз источниот ѕид од олтарниот простор. Според стилските карактеристики како и според сочуваниот натпис ова сликарство потекнува од првите децении на 17 век.
1 comment
Read more

КОЈ Е СЛАВЕ НИКОЛОВСКИ – КАТИН?

Пишува: ДУШАН РИСТЕВСКИ-МАКЕДОН Славе Николовски – Катин, ѝ е познат на македонската и на меѓу¬народната културна и научна јавност со многубројните публицистички и научни трудови посветени, главно, на животот на Македонците во светот, но и на низа други аспекти поврзани со дијаспората, како и со литературата, културата, религијата, науката… Тој е роден на 19 август 1941 година во Преспа. Осумгодишно училиште завршил во Љубојно, а средно техничко училиште, Геодетски отсек и Филолошки факултет, група Англиски јазик и книжевност во Скопје. Две години студираше и на Вишата геодетска школа во Белград ако студент, замина во Канада, каде што остана четири години. Во Торонто се школуваше во Интернационалниот институт за англиски јазик и литература „Раерсон”. Извесен период работеше како геодет и пројави активност во македонската колонија во Торонто. Еден мандат во 1978 година беше генерален секретар на Црковната управа при Македонската православна црква „Св. Климент Охридски” во Торонто. П...
Post a Comment
Read more

ONE HUNDRED AND TWENTY YEARS SINCE MACEDONIA'S PARTITION (21) - By Slave Nikolovski - Katin

ONE HUNDRED AND TWENTY YEARS SINCE MACEDONIA'S PARTITION (21)      PART OF THE BOOK   “SELECTED PAPERS FOR MACEDONIA” BY SLAVÉ KATIN In the history it is noted that the Macedonian people from the Aegean part of Macedonia, together with all its ethnic brethren from Macedonia in 1903 rose to a rebellion to fight for their freedom and an independent Macedonian state. Only ten years later Macedonia was brutally attacked, occupied and divided from its neighbors Greece, Serbia and Bulgaria, and later from Albania; division confirmed by the European great powers, of August 10, 1913, with the Treaty of Bucharest. It is known that the Macedonians existed in 1912 and in 1913. In fact, the whole world knew that the Macedonians existed even before, since read about them in history books and other information media. The whole world read about the Ilinden Uprising of 1903 and how the Macedonian people are trying to get rid of the yoke. Today we have hundreds of newspaper clip...
Post a Comment
Read more