"За нас е важно чувството на припадност кон ова прекрасно парче земја и за нас македонците, каде и да сме, не постои ништо подрагоцено од ова што сме го имале од секогаш и ќе го имаме засекогаш. Ако кажам – се надеваме, тоа би било неблагодарно и незначајно, но затоа кажувам – ние сме сигурни дека пораките коишто ги пренесуваме преку нашата работа ќе стигнат навреме и на вистинското место затоа што одговорно и достоинствено одговоривме на предизвикот да се учествува на светски фестивали за документарен филм каде што конкуренцијата е повеќе од сериозна, со една цел – да му покажеме да светот како се сака Македонија." Симе Младеновски
MT - Г-дине Младеновски, какви се вашите планови за оваа година?
С.М - Оваа година ќе настапуваме на три светски фестивали за документарен филм, во Бразил, Сао Паоло на „Фестагент“, во Перу, Аргентина, а воедно планираме учество и на фестивалот за документарен филм во Москва. Екипата која работи на документарните филмови е иста: Бубе – режија, Симе – режија и извршен продуцент, Зоки – камера, Дејан – светло, Зорана – сценографија, Филип – камера, Целе – камера и Бубе и Јоцо – монтажа. Овој тим е веќе докажан и е победнички, за што сведочат многуте освоени награди, а се надеваме дека така ќе продолжи и во иднина. Околу документарните филмови не би откривал многу, но можам да кажам дека веќе се во завршна фаза, при што годишните одмори ги поминавме работно и ентузијастички и тоа секако донесе убав разултат за што очекуваме овие проекти да бидат забележани и наградени.
МТ - Кажете ни малку за вашите искуства околу работата со документарни филмови?
СМ - Да
се работи на документарен филм воопшто не е едноставно, со оглед на тоа што тука
се поврзани многу аспекти преку кои би се постигнала определената цел и токму
поради тоа тимот работеше деноноќно и неуморно, во најразлични временски и
теренски услови, сакајќи на светот да му ја претстави вистината за Македонија и
македонците, тоа дека само сонцето е постаро од Македонија, а тоа светот добро
го знае. Секој од нашите документарни филмови носи своја порака, но она што ги
поврзува во еден прекрасен и шарен мозаик е нашата порака за сплотување и
љубов, да се одолее на суетата којашто разединува и да им се заврти грб на сите
оние поддржувачи и реализатори на Цезаревото – раздели па владеј од коешто ја
црпат најголемата сила за да го држат светот во заложништво и состојба на
слабост и немоќ. Нашата единствена победа е во љубовта кон ближниот и љубовта
кон себе со што суетата, зависта и љубомората не можат да се мерат. За нас е
важно чувството на припадност кон ова прекрасно парче земја и за нас
македонците, каде и да сме, не постои ништо подрагоцено од ова што сме го имале
од секогаш и ќе го имаме засекогаш. Ако кажам – се надеваме, тоа би било
неблагодарно и незначајно, но затоа кажувам – ние сме сигурни дека пораките
коишто ги пренесуваме преку нашата работа ќе стигнат навреме и на вистинското
место затоа што одговорно и достоинствено одговоривме на предизвикот да се
учествува на светски фестивали за документарен филм каде што конкуренцијата е повеќе
од сериозна, со една цел – да му покажеме да светот како се сака Македонија.
МТ - Ваш осврт кон десетгодишнината од постоењето на популарната емисија Лица и дела?
СМ - Убаво е да истакнам дека оваа година во мај одбележавме дестгодишнина од постоењето на „Лица и дела“ на Тв Сонце и заокруживме еден циклус којшто ќе остане запаметен по гостувањата на многу наши значајни имиња од најразлични области – проф. д-р Људмил Спасов, Елена Јованова Грујовска – директор на ИМЈ „Крсте Мисирков“ – Скопје, проф. д-р Гоце Цветановски, Гаро Тавитјан, Гуру Харе, Трифун Костовски, Стојна Костовска, министри, градоначалници, професори, естрадни уметници, поети и писатели, млади ентузијасти и нови надежи во многу области од културата и уметноста. Огромна е радоста која ја чувствувам гледаќи наназад низ времето како „Лица и дела“ од пилот издание прерасна во значаен телевизиски бренд со интересна форма и содржина, а за што како што веќе истакнав, заслужни се бројните имиња кои продефилираа и најдоа свој простор во „Лица и дела“, нашите соработници и поддржувачи кои не следеа низ годините и целокупната екипа на Тв Сонце, без кои овој успех не би бил комплетен. Овој Тв проект секако продолжува и понатаму, а зад квалитетот и актуелните содржини стоиме одговорно.
МТ - Кажете ни нешто за убавата манифестација која ја организирата од минатата година, Сплоти се Македонијо?
СМ - Тоа
дека љубовта нема граници, а особено кон татковината сведочи и
Интернационалната поетска манифестација „Сплоти се Македонијо“ каде што сум дел
од организацијата, која се одржа по втор пат без разлика на условите во кои сè
уште се наоѓаме, така што и оваа година голем број поетски творби од наши поети
во Македонија и од дијаспората стигнаа до нас по електронски пат, конкурсот
започна на 5 јули, а заврши на 2 август, жири комисијата веќе ги разгледува
поетските творби за кои можам да истакнам дека се квалитетни и тешко ќе можеме
да се одлучиме околу поделбата на местата. На 28 август ќе бидат доделувани
дипломите и признанијата, исто така онлајн, а оваа година оваа манифестација ќе
биде заокружена и со Зборник во кој ќе бидат поставени сите творби и поради
условите исто така тоа ќе биде споделени со учесниците по електронски пат. Ни
останува уште да очекуваме ситуацијата со вирусот да биде завршена што поскоро
и сите овие активности кои ги истакнав да ги реализираме во нормални услови и
на вистинскиот начин.
МТ - Прекрасни пораки кои ги упатувате кон сите луѓе во светот, а посебно зрачи љубовта која ја искажувате кон родната земја Македонија. Ви посаквуваме уште многу успеси, награди во сферата во која работите.
МТ разговор водеше со Симе Младеновски - продуцент на Лица и Дела
Comments
Post a Comment