ЕЈ МАКЕДОНИЈО

 

Во звуците на кавалот

И тропотот на тапанот

Во отсјајот на сонцето

Над високите планини, езера и реки

Во ритамот на тешкото

Те чувствувам тебе земјо чудесна

Најубава

Во името твое целата историја е збрана

Сведочи за времиња,

Векови минати во очај и тага

Воздигни се земјо

Во везот на везилката

Како песна накитена стара

Душата жедна од изворот вода бара.

И ред до ред бисери

Јунаци Македонци, борци незнајни и знајни

Да воскликнат силно

Во здивот, во ехото

И изворот кога ќе дотече

Твојта историја ќе потече

За новите дела, за твојата храброст

Да застанеш силно

Да го одбраниш еднаш

Она што е твое

Твоето достоинство, историја света

А денес тргни по нови патеки

Запиши нова историја

Испрати пораки во светот

Дека си единствена, неприкосновена

Мајка на твоите горди чеда

Љубов во срцето блика.

Еј Македонијо, земјо наша

Кажи им на сите, дека твоето име е вечно

Никогаш нема да загине

Кажи им на сите

Дека ти постоиш

Ти си лулка на писменоста

Земја на песната, орото

Херојското минато славно

Кажи им дека нема да молчиш повеќе

Да веднеш глава

Дека ќе ги збереш своите чеда

Од сите страни на светот

Да се одбараниш и да продолжиш

Да си ѕвезда

Најсјајна на светот...

Еј Мекедонијо...

Гордана Димовска

Gordana Dimovska

Macedonian timeline