МАКЕДОНЦИ СМЕ И СЕ БОРИМЕ ЗА СЛОБОДАТА НА МАКЕДОНИЈА

Писмо на двајца војници Македонци од Лерин

Двајца македонски војници од Лерин, револтирани од неподносливиот јарем што го трпат упатиле писмо до “Ризоспасти“. Бидејќи не знаеле грчки, писмото го напишале на својот мајчин јазик, Македонски. Во него стоело:

Драги наши во “Ризоспасти“

Секој пат кога станува антимилитаристичка изјава во нашите полкови, офицерите како бесни не пцујат нас Македонците. Тие велат дека “тоа што ние го правиме се комитаџиски работи“ и дека сакае да ја помогнеме Бугарија. На ваквите смрдливи клевети им одговараме дека тие самите се комитаџии и дека и тие ја остваруваат спрема нас Македонците истата крвава политика што е остварувана и во Бугарија против Бугарите.и за да им докажеме дека тие се исто со Бугарите –комитаџии, ги прашуваме: Што бараат секој ден нашиот управник Хр. Фиотакис и командантот на граничниот сектор мајорот Џорџос во канцелариите на докажаниот бугарски комитаџија ромпапа, кој сега стана водач на ЕЕЕ (значи, на фашистичката организација Национален сојуз Грција) во Лерин.?

Тие и само тие, едно до едно се исти мачители како бугарските. Ние сме Македонци  се бориме за слободата на цела Македонија и Тракија , било Грци да владеат, Бугари, Срби или Турци. И како единствен “комитет“ ја признаваме ВМРО, (обединета).

Лерин, септември 1934

Macedonian Timeline Australia